Алматыда айналма темір жолдың құрылысы қарқынды жүріп жатыр (Фото)
![](https://rail-news.kz/uploads/2024/05/21/clpm43gDl3Q9avrMujBSt60hTSlsrkXtxLntGJAw.jpg)
Бұл Президенттің тапсырмасы бойынша ҚТЖ іске асыратын және елдің көлік-транзиттік әлеуетін дамыту үшін маңызы зор ірі инфрақұрылымдық жобалардың бірі.
Жетіген – Қазыбек бек жаңа тармағы Алматы темір жол торабының жүктемесін 40%-ға азайтады және жүктерді жеткізу уақытын 1-2 күнге қысқартады.
![](https://rail-news.kz/uploads/attachments/whatsapp-image-2024-05-21-at-144346-2-664c71f67bdb4-664ca668f2d00.jpg)
Негізгі жолдардың ұзындығы 73 км. Жаңа бөлек пункттерді, Жетіген және Қазыбек бек станцияларын дамытуды қоса алғанда, теміржолшылар барлығы 123 км рельс-шпал торын төсейді.
![](https://rail-news.kz/uploads/attachments/whatsapp-image-2024-05-21-at-144345-664c71e86a402-664ca66f7333b.jpg)
Жұмыстар болашақ магистральдың өн бойында жүріп жатыр. Бүгінгі таңда жер жұмыстары жүргізілуде, олардың жалпы көлемі 6,2 млн текше метрден асады.
![](https://rail-news.kz/uploads/attachments/whatsapp-image-2024-05-21-at-144347-664c71ce5b014-664ca6778837e.jpg)
Көпірлер салынып, су өткізгіш құбырлар орнатылуда.
![](https://rail-news.kz/uploads/attachments/whatsapp-image-2024-05-21-at-144344-2-664c71bedfa44-664ca67e6150a.jpg)
"ҚТЖ "ҰК" АҚ ірі жобаларды іске асыру дирекциясы атап өткендей, жоба техникалық тұрғыда оңай емес. Жердің күрделі рельефіне байланысты кейбір учаскелерде қиғаш су өткізгіштер орнатылады.
![](https://rail-news.kz/uploads/attachments/whatsapp-image-2024-05-21-at-144346-1-664c71aa0808a-664ca685f2619.jpg)
Көпір тіректерін салу үшін терең ойықтар жасалуда.
![](https://rail-news.kz/uploads/attachments/whatsapp-image-2024-05-21-at-144344-1-664c719081638-664ca68d33fd4.jpg)
Бүгінгі таңда 6 көпір мен 12 құбыр жұмысы жүріп жатыр. Құрылыс барысында әр түрлі конфигурациядағы 48 құбыр орнатылып, 13 көпір мен 6 жол өтпесі салынады.
![](https://rail-news.kz/uploads/attachments/whatsapp-image-2024-05-21-at-144344-664c717c54820-664ca6938f855.jpg)
Ірі жасанды құрылыстардың қатарына Қаскелең өзені арқылы өтетін және Алматы – Өскемен автомагистралінің үстінен өтетін көпірлер жатады.
Жаңа теміржол желісінің құрылысына Алматы өңірінің мердігер ұйымдары тартылды. Нысанда 150-ден астам техника (бульдозерлер, экскаваторлар, бульдозерлер, автокрандар, тиегіштер және т.б.) жұмылдырылған, шамамен 350 адам жұмыс істейді.