2024 жылы өрттің алдын алу шараларына көп көңіл бөлінді
2024 жылы компания теміржол объектілері мен жылжымалы құрамды өрттен қорғау бойынша жоспарланған іс-шараларды жүзеге асырды, деп хабарлайды Rail-news.kz.
Бұл жылы теміржол нысандарындағы өрттердің санын азайтудың маңызды кезеңі болды: барлық бөлімшелердің үйлесімді жұмысы және тиімді алдын алу шаралары өрттердің санын 49%, яғни 37-ден 19 жағдайға дейін қысқартуға мүмкіндік берді.
Персоналдың хабардарлығын арттыру және даярлау үшін өрт-техникалық минимум бойынша 4 мыңнан астам сабақ өткізіліп, оған 17 мыңнан астам адам қатысты. Сондай-ақ, 28,7 мың қызметкерді қамтыған 8 мыңнан астам нұсқама өткізілді, бұл барлық деңгейдегі қауіпсіздік мәдениетін жақсартуға ықпал етті.
Заманауи жабдықтары мен кәсіби мамандары бар ҚТЖ өрт сөндіру пойыздары өртті жоюда шешуші рөл атқарады. 2024 жылы ҚТЖ МЕӨҚҚ өрт сөндіру пойыздары мен автомашиналары өртті жою үшін 32 шақыруға шықты, оның ішінде ТЖД орман жолақтарында, бөгде объектілерде және жеке секторда өрттерді сөндіруге көмек көрсету үшін 24 рет, өрттерді тиімді сөндіру үшін 1,6 мың тоннадан астам су және 1,5 тонна көбік жеткізді. Олардың тиімділігі мен ұтқырлығы қауіптерді тез жоюға және зиянды азайтуға мүмкіндік береді.
2024 жылы өрттің алдын алу шараларына көп көңіл бөлінді. Өңірлік деңгейде әкімдіктермен, ТЖД және шаруа қожалықтарымен 233 дөңгелек үстел мен кеңес ұйымдастырылды, бұл өрт қауіпсіздігі саласында жемісті ынтымақтастық орнатуға мүмкіндік берді. Сондай-ақ теміржолшылар «Көктем-2024», «Өрт-2024», «Жер-2024» және «Қыс-2024» сияқты ҚР ТЖМ Республикалық командалық-штабтық оқу-жаттығуларына белсенді қатысты. Теміржол нысандарында жедел дайындықты арттыру және бірлескен іс-қимылдарды пысықтау үшін 271 өрт-тактикалық оқу-жаттығу өткізілді.
Ақпараттық жұмыс шеңберінде әкімдіктерге, шаруа қожалықтарына, полиция және ТЖД желілік бөлімдеріне 380 хат жолданды, сондай-ақ өрт қауіпсіздігін қамтамасыз ету жөніндегі алдын алу шараларына арналған 263 аншлаг пен плакат жарияланды. ҚТЖ өкілдері өрт қауіпті кезеңге дайындық жөніндегі ҚР ТЖМ ведомствоаралық мемлекеттік комиссиясының және қауіпті жүктерді тасымалдау қауіпсіздігі жөніндегі Астана қаласы әкімдігінің төтенше жағдайлар жөніндегі комиссиясының отырыстарын қоса алғанда, өрт қауіпсіздігі мәселелері жөніндегі түрлі отырыстар мен кеңестерге қатысты.
Компаниядағы объектілердің өртке қарсы жай-күйін бағалау сапасын арттыру үшін теміржол көлігі объектілеріне тексеру жүргізу кезінде тәуекел дәрежесінің критерилерін есептеу әдістемесі әзірленді және бекітілді. Бұл ықтимал қауіптерді дәлірек бағалауға және оларға жедел әрекет етуге мүмкіндік берді.
2025 жылы компания өрт қауіпсіздігін қамтамасыз ету бойынша күшейтілген жұмысты жалғастырады.