Теміржолшылар өткелдерде профилактикалық жұмысты күшейтті
2025 жылдың төрт айында теміржол өткелдерінде 11 жол-көлік оқиғасы тіркелді. Бұл өткен жылдың сәйкес кезеңімен салыстырғанда 20% көп. Әсіресе алаңдатарлық жағдай оңтүстік өңірлерде байқалады -оқиғалар саны 4-тен 5-ке дейін өсті, деп хабарлайды Rail-news.kz.
Оқиғалардың негізгі себебі — көлік жүргізушілерінің жол ережесін бұзуы.
Өткелдердегі қауіпсіздікті арттыру және ЖКО алдын алу мақсатында теміржолшылар полициямен бірлесіп 565 профилактикалық рейд жүргізді. Іс-шаралар барысында теміржол өткелдерін кесіп өту ережелерін 59 бұзу жағдайы анықталды.
Жүргізушілерді ақпараттандыруға ерекше назар аударылуда: жыл басынан бері 30 749 автокөлік жүргізушісі қауіпсіз жүріс-тұрыс ережелерімен танысты. Профилактикалық жұмыс сонымен қатар 274 автокөлік кәсіпорнын қамтыды, онда 6501 қызметкерге нұсқау берілді.
Теміржол өткелдерінде көріну жағдайларын жақсарту үшін 25 учаскеде жұмыстар жүргізілді. Бұған қоса, 145 ақпараттық плакаттар мен ұрандар орналастырылған, олар жол ережелерін сақтауға және темір жолдарды кесіп өту кезінде мұқият болуға шақырады.
ҚТЖ жүргізушілерді жол қозғалысы ережелерін қатаң сақтауға және теміржол өткелінің қауіптілігі жоғары аймақ екенін есте сақтауға шақырады. Ереже бұзудың әрбір жағдайы өмірге қауіп төндіруі мүмкін.