Балалар лагерінде темір жолдағы қауіпсіздік бойынша профилактикалық іс-шара өтті
Бурабай кентіндегі «Лесная сказка» балаларды сауықтыру лагерінде «Заң және тәртіп» тұжырымдамасын және ҚТЖ-ның «Қауіпсіз темір жол» акциясын іске асыру шеңберінде қауіпсіз жүріс-тұрыс мәдениетін арттыруға және теміржолдағы қауіпсіздік ережелерін сақтауға бағытталған профилактикалық бейнероликтер көрсетілімі ұйымдастырылды, деп хабарлайды Rail-news.kz.
Іс-шараға 100 жуық бала, оның ішінде теміржолшылар отбасыларының балалары қатысты. Бейнероликтер балаларға теміржол инфрақұрылымы объектілері маңындағы тәртіп ережелері мен қауіпсіздік шараларын сақтау қажеттігін қаперге салды.
Осындай профилактикалық іс-шара Алматыдағы емдеу-сауықтыру кешенінде де өтті. Оған 150 бала қатысты.
Мұндай акцияларды өткізу балалардың өз қауіпсіздігіне жауапкершілікпен қарауын қалыптастыруға және теміржолда жарақат алу жағдайларының алдын алуға бағытталған.