Атыраулық теміржолшылар су тасқынына қарсы жұмыстарға атсалысып жатыр

Аймақтар
15.04.2024, 12:52
Суретті түсірген автор
Қосұйым Мұқашев

Атырау облысы бойынша меншікті тілші

Атырауда су тасқынына қарсы шаралар әлі де жалғасуда. Қазіргі уақытта, яғни, 15 сәуір күні су деңгейі Атырау қаласында 36 сантиметрге көтерілген. Облыстық төтенше жағжай жөніндегі штабтың хабарлауынша, қаланы бір мезгілде су басып кететіндей қауіп жоқ. Барлық жерде дамбалар соғылып, жағалауды бекіту жұмыстары жүргізіліп жатыр.

Ол жұмыстарға теміржолшылар да бір кісідей атсалысып, өз үлестерін қосуда. Атырау қосалқы бөлімінің бас инженері Бауыржан Картанның мәліметіне қарағанда, Каспий теңізі сағасына қарай жақын маңдағы Құрманғазы, Қызылбалық ауылдарының Жайық өзені жағалауы  ҚТЖ Атырау бөлімшелеріне бекітіліп берілген. Ұзындығы 5 шақырым шамасы, бір аптадан бергі дамылсыз тірлік арқасында, яғни, қапшықты топырақпен толтыру, жерді қыру, КаМАЗ көлігімен топырақ тасу, жүк тиегішпен тиеу, жағалауға топырақпен толтырылған қапшықтарды текшелеп жинап, дамды соғу жұмыстары негізінде бүгінде 4 шақырымға жуық жағалай жиегі бекітілген. Бұл жұмыстарға өңірдегі әр темір жол мекемелерінен күніне 4-5, кейбірі 10 адамнан бөліп, 60-80 адам таңертең тоғыздан кешкі алтыға дейін бел шешпей еңбек етуде. Түскі асты еріктілер әкеліп береді. Сондай-ақ қосалқы бөлім кәсіподақ ұйымы да қой сойып, басқа да азық-түлік әкеліп бір күндік түскі аспен қамтамасыз етіп отыр. Қазіргі уақытта, жағалауды бекіту жұмыстары жалғасуда.  

Сонымен қатар Атырау магистральды желі бөлімшесі су шайып кету қаупі бар темір жол көпірлерін қорғау бойынша оқу-жаттығу жұмыстарын жүргізіп жатыр. Бөлімше бастығының орынбасары Аманқос Жылқыбаевтың айтуынша, оған 80 адам, 5 техника жұмылдырылып, Соколок өзегі маңында және басқа да қауіпті жерлерде жаттығу жүргізілді. Онда өрт сөндіру, қалпына келтіру, су айдау пойыздары, автокөлік, тиегіштер, жүк көліктері де төтенше жағдайда қалай шұғыл әрекет ету бойынша жаттығуларын жасады. Бұл бөлімшенің тасқынға тосқын беруге дайындығының көрініс деуге болады.  

Ал облыстағы тасқынға қарсы жалпы ахуалға келсек,  облыстың ТЖ жөніндегі жедел штабы Жайық-Каспий каналының сағасын тереңдету жұмыстарын жүргізуде. Яғни, Жайық өзенінен Каспий теңізіне судың шығуын жеделдету мақсатында қазіргі тереңдігі небәрі 40-50 см болатын түбін тереңдету жұмыстары жүргізіліп жатыр. Жұмысты аяқтағаннан кейін ені 20 метр болатын өзен сағасының тереңдігі 40-тан 200 см-ге дейін артады деп күтілуде. Бұл жұмыстарды жүргізу Жайық өзенінен Каспийге судың тиімдірек ағуына ықпал етеді. Су жолын тазарту, тереңдету және кеңейту үшін екі экскаватор қолданылады. Сондай-ақ, алдағы уақытта осындай жұмыстарды орындауда тиімділігі жоғары «Амфибия» экскаваторы да жұмысқа тартылады.

Құлсарыдағы жағдайға келсек, су әлі қайта қойған жоқ.   Маңғыстау облысы Бейнеу ауданынан 163 әскери  су тасқынынан кейінгі Құлсары қаласын қалыпқа келтіру жұмыстарына жұмылуда. «Біз қазір Құлсары қаласы, 7 ауылдағы жаңа көпір маңын қалыпқа келтірудеміз. Бұл жерге 15 әскери ерікті жұмылдырылып, су тасқыны салдарымен күресуде»  дейді әскери қызметкер Жандос Асхатов. Сондай-ақ, Құлсары қаласын қалыпқа келтіру жұмысына "Ұлттық Ұлан", Қорғаныс министрлігіне қарасты 332 әскер жұмылдырылған.  

 

Жаңалықтар
25.10.2025
Талғат Алдыбергенов теміржолшыларды Республика күнімен құттықтады
Жаңалықтар
24.10.2025
ҚТЖ Республика күнін салтанатты түрде атап өтті
Инфрақұрылым
24.10.2025
Қызылжар жобасынан не күтеміз?
Инфрақұрылым
24.10.2025
Жол техникалары сапқа қойылды
Аймақтар
24.10.2025
Шаруашылықтар қысқа дайын ба?
Аймақтар
24.10.2025
Кемшіліктер қайталанбауы тиіс
ҚТЖ келбеті
24.10.2025
Жолаушының алғысына бөленген кассир
Аймақтар
24.10.2025
Вагон қараушыдан ұстазға айналған теміржолшы
Қауіпсіздік
24.10.2025
Өткел қауіпсіздігі – сенімді қолда
Әлеумет
24.10.2025
Үздік еңбек әулеті
Аймақтар
24.10.2025
«Таза Қазақстан» челленджі жалғасып жатыр
ҚТЖ келбеті
24.10.2025
Ақмаралдың алғашқы жеңісі
Аймақтар
24.10.2025
Вокзал маңы абаттандырылды
Жаңалықтар
24.10.2025
60-қа жуық студент ҚТЖ мұражайында болды
Жаңалықтар / Мұрағат
24.10.2025
Қазақстан теміржолшысы газеті, №88-89 24 қазан 2025 жыл
Жаңалықтар
23.10.2025
Көлік министрі Тбилисиде өткен V «Silk Road Forum» аясында сөз сөйледі
Инфрақұрылым
23.10.2025
Ақмая–Шиелі телімінде қызу жұмыс жүріп жатыр
Станция тынысы
23.10.2025
Рельс үстіндегі өмір: Манкент станциясының қаһармандары
ҚТЖ келбеті
23.10.2025
«Жыл машинисі» анықталды
Аймақтар
23.10.2025
«Таза Қазақстан»: Арыстық теміржолшылар 120 түп ағаш отырғызды