Теміржолшының киімі талапқа сай ма?

Аймақтар
05.02.2025, 14:57
Суретті түсірген автор
Қуаныш Қожаев

Абай облысы бойынша меншікті тілші

Жуырда Семей ЖТ бөлімшесінде ерекше жиын өтті. Онда теміржолшылардың жұмыс киім үлгісі талқылаудан өтті. Аталмыш шараға киім үлгісін жобалаушылар да арнайы шақырылған болатын. Мақсат – жергілікті теміржолшылар мен сала мамандарының пікір-ұсыныстарын тыңдау, сол арқылы биылғы жылы әзірленетін қызметтік киімдер үлгісіне өзгерістер енгізу.  

Басқосуға желі бойынан келген қарапайым жұмысшылар, кәсіподақ ұйымдары төрағалары, еңбекті қорғау инженерлері қатысты. Айта кетерлігі, дәл осындай шара бұған дейін Маңғыстау және Шымкент бөлімшелерінде өткізіліпті. Ал күрделі климаттық белдеуде орналасқан, ауа райында елеулі ерекшеліктер бар Семей магистральдық желі бөлімшесі қызметкерлері не айтады?  Бұл орайда сөз алған астаналық мейман, қауіпсіздік, еңбекті қорғау, өндірістік қауіпсіздік және экология департаментінің бастығы Бейбіт Ахметов семейлік теміржолшылар пікірінің маңызды екенін айтып өтіп, ашық далада, желдің өті, күннің көзінде жүретін жолшылар, байланысшылар, электр монтерлары мен машинистер қауымына сөз кезегін ұсынды.

Күні бойы өткен талқылау, пікіралмасу  барысында ортақ тоқтам жасалды. Атап айтсақ, қыстық қызметтік күрте екі бөлек әзірленгені абзал, екеуінің де бас киімге шақ келетін күләпарасы болғаны ләзім. Ал қазіргі күртелердің капюшоны касканың үстінен киюге арналғандықтан тым қолайсыз, бетті жауып кетеді. Сонымен қатар жолшылар үшін рация салуға арналған сыртқы төсқалтаның қажеті жоқ. Оған ұялы телефон салып, пойыздың астына түсіріп алған жағдайлар жиі тіркелген. Айтылған пікірлерді тыңдаған астаналық меймандар киім үлгісін әзірлеуде теміржолшылар ұсыныстары толық ескерілетінін, алайда мемлекеттік стандарттар қатаң сақталатынын жеткізді. Мәселен, электр монтерлары үшін киімдерге темір кнопкалардың орнына жай түймелер салынады. Бұл қауіпсіздік үшін қажет.

Жиын барысында сала қызметкерлері тарапынан айтылған тағы бір өтініш апельсин түсті қызметтік киім түсіне өзгеріс енгізу болды. Жолшылар қауымының айтуынша, желі бойындағы жұмыстар кезінде қанық түс қауіпсіздік үшін аса қажет болғанымен тым тез кірлейді. Сонымен қатар бірнеше рет жуған соң түсі тез оңып, көнетоз  көрінеді екен. Киім әзірлеушілер бұл ұсыныстың ескерілетінін жеткізді. Сондай-ақ ендігі аралықта қызметтік киімнің матасына да  өзгерістер енгізілмек. Атап айтсақ, киім материалы 60 пайыз таза мақтадан, 40 пайыз синтетикалық полиэстер талшықтарынан тұратын болады. Бұл бүкіл әлемде қолданылатын сапа, киімге төзімділік және ыңғайлылық сынды жағымды қасиеттер береді.  

Жиын барысында қызметтік киімдердің жауын-шашыннан қорғаныш қабілеті, қимыл-қозғалысқа ыңғайлылығы мен ыстықта терлетпейтіні қызу сөз болды. Сондықтан кейбір ұсыныстар қабылданбады. Мысалы, жолшылар қауымының жаздық аяқ киім – бәтеңкенің ұсақ тесіктері болса деген ұсыныстары қауіпсіздік талаптарына қайшы келетін болып шықты.

Аталмыш басқосуға арнайы келген «ҚТЖ-ЖТ» ЖШС Жабдықтау департаментінің бас менеджері Ербол Темірбековтің айтуынша, келесі жиын Көкшетауда өткізілмек.  

– Теміржолшылардың арасында жүріп сауалнама өткізудің маңызы зор. Иә, қызметтік киімдерге байланысты шағымдар бар. Жағымды пікірлер де жоқ емес. Қызметтік киім оны әзірлеушілер үшін кабинетте отырып даярлай салатындай оңай мәселе емес. Сондықтан  мемлекеттік стандартқа қайшы келмесе, барлық пікір-өтініштер алдағы уақыттары әзірленетін киім үлгілеріне енгізіледі, – дейді Ербол Ғалымжанұлы.  

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті