Атырауда теміржолшылардың жазғы спорт алаңы ашылды (Фото)

Спорт
19.06.2024, 14:19
Суреттерді түсірген автор
Қосұйым Мұқашев

Атырау облысы бойынша меншікті тілші

Дене шынықтыру және спорт саласындағы мемлекеттік саясаттың маңызды бағыттарының бірі – бұқаралық спортты дамыту. Теміржол саласында бұл бағытта жақсы үрдіс қалыптасқан. Қай өңірде де теміржолшылар арасында түрлі спорттық шаралар, жарыстар, марафон, велошеру, футзал, т.б. жиі өтіп тұрады.  

Өткен жұма күні Атырау қаласында жаңа жазғы спорт алаңы ашылып, өлке теміржолшыларына тамаша сый жасалды. Былтыр осындай футбол алаңы Мақатта ашылған болатын. Енді міне атыраулықтарға да кезек жетті.  

Өңір темір жолына қарасты барлық құрылымдық бөлімшелер қала басында шоғырланған. Бірақ бұған дейін олардың спорт шараларын өткізетін арнайы ойын алаңы болмады. Қысы-жазы қалалық спорт кешендерін жалға алып жүретін. Енді ол олқылық жойылып, өлке теміржолшыларының өз алаңы пайда болды. Ол Атырау локомотив пайдалану депосының ат шаптырым кең ауласында салынды.   Әрине, бұл жерде кәсіподақ ұйымдарының белсенділігі үлкен қозғау болғанын айта кету керек. Спорт алаңының ашылуы салтанатына «Қазкөліккәсіп» ҚБ төрағасының орынбасары Ғ.Несіпбаев, «ҚТЖ-Жүк тасымалы» филиалы кәсіподақ төрағасы Е.Төлегенов, Атырау жүк тасымалы бөлімшесінің бастығы А.Базарғалиев, Ақтөбе, Маңғыстау, Қызылорда теміржол бөлімшелерінің кәсіподақ төрағалары, өңір кәсіподақ ұйымдарының өкілдері мен теміржолшылар қатысты.  

– Бүгін аймақ теміржолшылары үшін қуанышты күн. Көптен айтылып, көкейде қатталып, көңілде жатталып қалған түйінді мәселе өз шешімін тапты – теміржол мекемесінің өз аумағында жазғы спорт алаңы пайдалануға берілді. «Жұмыла көтерген жүк жеңіл» демекші, аймақтағы теміржол мекемелері кәсіподақтарының «бір жеңнен қол, бір жағадан бас шығарып» бірлескен әрекеті арқасында нәтижеге қол жеткізілді. Жаңа спорт алаңы құтты болсын, игіліктеріңізге пайдаланыңыздар! – деп ақ тілегін арнады Ғафу Несіпбаев. Астаналық қонақ Ермек Төлегенов те жүрекжарды лебізін білдіріп, бес салқындатқыш, бес қысқатолқынды пеш, бес тоқшәйнек сыйға тартты.  

Салтанатты түрде лента қиылып, спорт алаңы ресми түрде ашылып, қонақтар нысанды аралап, тамашалады. Айта кетерлігі, спорт алаңын салу біраз жылдардан бері әртүрлі деңгейде айтылып келе жатқан мәселе. «Қазкөліккәсіп» ҚБ Атырау өкілдігінің өкілі Боранбай Камиевтің тыңғылықты жұмысы арқасында былтыр Орталық кәсіподақ кеңесінің қолдауымен өңір кәсіподақ ұйымдары бірігіп, алаң құрылысын салуға қаражат бөлді. «Салих А.Д.» мердігер мекемесі қараша айында құрылысты бастап, биыл сәуірде бітірді. Бірақ су тасқынына байланысты ашылуы кейінге шегерілген болатын.  

Ұйымдастырушылар спорт алаңының ашылуына орай концерттік бағдарлама ұйымдастырып, көптің көңілін көтерді. Теміржол тарихынан қызықты викториналық сұрақтар қойылып, дұрыс шешкендерге сыйлықтар берілді. Сондай-ақ осы істің басы-қасында жүріп, белсенді жұмыс жасағандар қатарында НЖС кәсіподақ төрағасы М.Бисенғалиев, ПЧ-9 кәсіподақ төрайымы Эльмира Багитова, Атырау жүк тасымалы бөлімшесінің кәсіподақ ұйымы төрағасы Б.Камиевке «Қазкөліккәсіп» ҚБ төрағасы О.Ахметбаевтың атынан «Алғыс хат» табысталды. Осы атаулы мерекеге орай және Қазақстан теміржолының 120 жылдығы аясында аталған алаңда екі күн бойына Теміржол футбол лигасының іріктеу турнирі өтіп, оған аймақтағы теміржол мекемелерінен 12 команда қатысты. Барлық қонақтар футболдың ақырғы ойындарын тамашалады. Ақтық финалға шыққан төрт команда ішінен Атырау локомотив депосының командасы жеңіске жетті.  

Қонақтар сол күні Атырау вагон пайдалану депосында да болып, шағын фитнес-орталықтың ашылуына куә болды. Кәсіподақ атынан үстел теннисі, велотренажер, жүгіру тренажері, басқа да спорттық снарядтар тарту етілді. Депо аумағындағы бос жатқан жерге волейбол алаңын салу үшін орын белгіленіп, оған астаналық қонақтар символикалық түрде қада қақты. Келер жылы бұл жерде волейбол алаңы пайдалануға беріледі деген үміт бар.    

ҚТЖ келбеті
27.06.2025
Вагон қозғалысын реттеушілер жайлы бір үзік сыр
Инфрақұрылым
27.06.2025
Маңғыстау теміржолы күрделі жөндеуге күш салуда
ҚТЖ келбеті
27.06.2025
Қырық жыл кешіккен шындық
Әлеумет
27.06.2025
Балалар жазы көңілді
Инфрақұрылым
27.06.2025
Теміржол жөндеу жұмыстары қарқынды жүріп жатыр
Жаңалықтар / Мұрағат
27.06.2025
Қазақстан теміржолшысы газеті, №49 27 маусым 2025 жыл
Әлемде
26.06.2025
Қытай темір жолдары биыл 1,86 млрд жолаушы тасымалдап, жаңа рекорд орнатты
Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан
ҚТЖ келбеті
24.06.2025
Апаттың алдын алған машинист «Ерлігі үшін» медалімен марапатталды
Спорт
24.06.2025
Семейде теміржол ардагерлерін еске алу турнирі өтті