Елордаға саяхат (Видео)
Ақтөбе облысы бойынша меншікті тілші
Ақтөбе магистральдық желі бөлімшесі кәсіподақ ұйымы балалардың демалысын биыл ерекше өткізді. Бір топ теміржол шының балалары каникулда елордамыз Астананы тамашалап қайтты.
Теміржолшылардың балала ры керемет экскурсиядан алған әсерлерімен бөлісіп мәз-мейрам. Балаларға жазғы демалыс сыйлау кәсіподақ комитеті үшін дәстүр лі шаралардың біріне айналған. Қаржылай қолдау көрсетіп, бір топ баланы жылда Астанаға, Бура байға апарып қайтады. Бұл дәстүр биыл да жалғасты. Электрмен жабдықтау дистанциясы, Белгі беру және байланыс дистанциясы, Жолаушылар тасымалы қызметіне қарасты көпбалалы отбасылардан шыққан 20 бала Астанаға экскурсияға жіберілді.
Балалар бас қаланың көрікті жерлерін армансыз аралап, мұражайға, океанариумға, бас сейнге, зоосаябаққа, ойын-сауық орындарына барған. Балаларға Бәйтерек монументі ерекше ұнаған. Айтуларынша, Бәйтерек мифоло гиялық өмір ағашының тарихымен танысып, монумент терезесінен әсем ғимараттарды көрген. Тіпті пицца пісіріп те үйренген.
«Ең бірінші көпбалалы отбасы балаларын қамтуға көңіл бөлінді. Жылда осылай бүлдіршіндерді қу антуға тырысамыз», – деді Ақтөбе магистральдық желі бөлімшесі кәсіподақ ұйымының төрайымы Айша Қалағанова.
