2021 жылдың бірінші жартыжылдығындағы жалпы жүк тиелімі

«ҚТЖ» ҰК» АҚ 2021 жылдың қаңтар-маусым айларында жүк тасымалы көлемін өткен жылдың сәйкес кезеңімен салыстырғанда 3,5%, яғни 126 млн.тоннаға дейін ұлғайтты. Ел ішінде 81 млн. тоннадан астамы тасымалданса, бұл 2020 жылдың сәйкес кезеңіндегі көрсеткіштен 2,4% жоғары. Экспортқа 44,7 млн. тонна тиеліп, өткен жылға қарағанда өсім 5,5% құрады. Бірінші жартыжылдықта тас көмір тиеу 51,5 млн тоннаны құрады – бұл өткен жылдың 6 айымен салыстырғанда 4% артық. Оның ішінде республика бойынша 36,3 млн.тоннасы тасымалданса, өткен жылға қарағанда өсім 8,9%. ҚТЖ желісінде екінші әлеуметтік маңызы бар жүк – астық тиеу 2020 жылдың бірінші жартыжылдығына қарағанда 11,5%-ға өсті, және де 4,7 млн тоннаны құрады. Экспортқа 3,5 млн тонна жөнелтілді, бұл көрсеткіш өткен жылға қарағанда 19% артып отыр. Өткен жылға қарағанда қара металдарды тиеу көлемі – 9,5%-ке 2,6 млн тоннаға дейін, мұнай жүктері 7,4%-ке 8,5 млн тоннаға дейін ұлғайды. Темір кенін тиеуде оң қарқын байқалды –9,1% - ке, 13,7 млн.тоннаға дейін өсім болды. Есепті кезеңде түсті кенді тиеу 2020 жылғы қаңтар-маусым деңгейінде қалды және 11,3 млн тоннаны құрады. 2021 жылғы маусымда «ҚТЖ» ҰК» АҚ бойынша тиеу 21,2 млн.тоннаны құрады, бұл өткен жылғы маусым деңгейінен 2,9% - ке жоғары.