10 жылда Қытайдағы темір жол көлемі 50%-ға ұлғайған
Қытайдың ұлттық статистика бюросы соңғы он жылда елдегі көлік тасымалы жүйесі қалай дамығаны туралы мәліметті жариялады. 2013 пен 2021 жылдар аралығында ҚХР-дың көлік саласына 27 трлн юань (3,88 трлн доллар) инвестиция тартылған, деп хабарлайды Rail-news.kz.
2021 жылдың соңында Қытайдағы темір жол желісінің ұзындығы 150 мың шақырымға жеткен, бұл 2012 жылмен салыстырғанда 54,4%-ға жоғары. Осы аралықта автокөлік жолының көлемі 24,6%-ға артып, 5,28 млн км болған.
Қазір Қытайда жоғары жылдамдықты магистралдарды салу үлкен қарқынмен іске асып жатыр. 2021 жылы жоғары жылдамдықты магистраль желісінің ұзындығы 40 мың шақырымға жеткен, бұл 2012 жылға қарағанда 4,3 есе көп. Оның үстіне халық саны 1 млн-ға жететін қалалардың барлығында жоғары жылдамдықты магистраль орнатылған.