«Бір жол, бір белдеу»: Қытай Сербияда темір жол желісін салып жатыр
Қытай «Бір жол, бір белдеу» жобасы аясында Белград-Будапешт бағытындағы темір жол желісін салып жатыр, деп хабарлайды Rail-news.kz.
Өткен сенбіде Сербияның президенті Александр Вучич аталған аумақтағы темір жол құрылысымен танысты.
Вучичтің айтуынша, жоғары жылдамдықты жүрдек пойыздарға арналған бұл желінің елдегі өнеркәсіп, бизнес пен туризмді дамытуда маңызы зор. Оның үстіне елдің солтүстігіне инвесторларды тартуға жағдай жасамақ.
«Белград-Будапешт темір жолының құрылысы Сербияның дамуына ықпал етіп қана қоймай, Еуропа мен Азияның өзге де аймақтарымен байланыстын нығайта түседі», – дейді Сербиядағы ҚХД-дың елшісі Чэнь Бо.
Ұзындығы 350 км-ге жуық Белград-Будапешт темір жолы Қытайдың «Бір белдеу, бір жол» бастамасының Еуропадағы маңызды бөлігі саналады. Бұл бағыт Қытай мен Орталық және Шығыс Еуропа елдері арасындағы ынтымақтастықты нығайта түспек.
Сербиядағы темір жолдың бірінші бөлігі Белград пен елдің екінші ірі қаласы Нови Сад арасында салынған. Ұзындығы шамамен 75 км болатын бұл жол 2022 жылдың наурыз айында пайдалануға берілген. Қазір пойыздар аталған жолмен сағатына 200 км жылдамдықпен жүріп жатыр.