Үндістан жақын арада бүкіл теміржол желісін электр жүйесіне көшіреді
Үндістанның темір жол желілері жақында толықтай электрлендіріледі. Елдің темір жол министрлігі 2022-2023 жылдары 3375 шақырым жол электрлендіретінін айтқан, ал 2021-2022 жылдары 2452 км жолға электр тартылған. Бұл туралы Construction World басылмы жазды.
Бұл айтарлықтай жетістік, өйткені 2014 жылға дейін Үндістанның теміржол желісін электрлендіру өте баяу жүрді. Дегенмен, бұл бағыттағы жұмыстар қазір өте қарқынды. Осылайша, жақын арада Үндістан қазба отындарына деген тәуелділіктен құтылып, толығымен «жасыл» теміржолды пайдаланушыға айналмақ. Оның үстіне, электрлендіру жұмыстары аяқтала салысымен жанармаймен жүретін жылжымалы құрам пайдаланудан шығарылады.
2024 жылдан бастап электр энергиясын тұтыну айтарлықтай өспек, бұл энергия өндірудің жаңа мүмкіндіктерін тудырады. Сол себепті Үндістан қазірден энергия алу көздерін жетілдіру үстінде.