Франция жүк вагондарының жағдайын бақылайтын жобаны іске қосты
Америкалық Wabtec корпорациясы жүк вагондарының жағдайын бақылау саласындағы MONITOR жобасының іске қосылғаны туралы хабарлады. Wabtec аталған жобаны Францияның Ұлттық теміржол қоғамының (SNCF) еншілес ұйымы Fret SNCF жүк операторымен және Францияның оңтүстігіндегі Буш-дю-Рон департаментіне тиесілі RDT13 аймақтық операторымен бірлесіп жүзеге асыруда, деп хабарлайды Rail-news.kz.
Жоба аясында вагондар белгі беретін құрылғылармен жабдықталады, ол вагондардың рельстен шығып кетуінің алдын алады, сондай-ақ жылжымалы құрамды сапарға шығуға дайындау уақытын және оған техникалық қызмет көрсету мен жөндеуге кететін шығындарды азайтуға көмектеседі.
Wabtec-тің айтуынша, MONITOR жобасы бірнеше технологиялық операцияларға бағытталған: пойыздың барлық вагондары арасындағы радиобайланысты қамтамасыз ету, тежегіш жүйесі мен вагон жағдайын бақылау, тежегішті автоматтандыру.