Қытай 2026 жылдың алғашқы жеті айында жолаушылар ағыны бойынша жаңа рекорд орнатты
«Қытай теміржолдары» (China Railway, CR) компаниясының мәліметінше, 2026 жылдың қаңтар–шілде айлары аралығында елдің ұлттық желісі бойынша 2,8 млрд жолаушы тасымалданған, деп хабарлайды Rail-news.kz.
Бұл 2025 жылдың ұқсас кезеңімен салыстырғанда 4,1%-ға артық және кезекті рекордтық көрсеткіш болып табылады. Алғашқы төрт айдың қорытындысы бойынша одан да айтарлықтай өсім тіркелген еді — 6,8%. Желі бойынша орташа есеппен тәулігіне 11 462 жолаушылар поезы қатынады, бұл өткен жылғы деңгейден 571 поездға артық (+5,2%).
Карастырылып отырған кезеңде шетелдік азаматтардың ел теміржолдарымен сапарлау көрсеткіші 14,85 млн-ға дейін өсті (+32,5%). Гуанчжоу — Шэньчжэнь — Гонконг халықаралық жоғары жылдамдықты магистралі бойынша 20,049 млн жолаушы, ал Қытай — Лаос теміржолы арқылы 214 мың жолаушы тасымалданды (сәйкесінше +11,5% және +38,2%). Сонымен қатар бірнеше жылдан бері Қытай мен Моңғолия, Ресей, Вьетнам және КХДР арасында да жолаушылар тасымалы тұрақты жүзеге асырылып келеді.
Ең көп жүк түсетін бағыттарда және сұраныс жоғарылаған кезеңдерде жолаушылар ағынын реттеу үшін қосымша поезд рейстері тағайындалып, біріктірілген (қосарланған) электр поездары іске қосылды.
Сонымен қатар Қытайда теміржол туризмі де қарқынды дамып келеді. 2026 жылдың қаңтары мен шілдесі аралығында жалпы жиыны 2159 туристік поезд рейсі, сондай-ақ концерттер мен спорттық жарыстардың көрермендеріне арналған 79 арнайы поезд рейсі орындалды.