Атакәсіпті жалғастырушы арыстық машинист 25 жылдан бері пойыз жүргізіп келеді
Шымкент қаласы бойынша меншікті тілшісі
Арыс локомотив пайдалану депосының аға электровоз машинисі Қуатбек Әбілдаевтың темір тұлпарды тізгіндегеніне аттай 25 жыл өтіпті. Өз кәсібін жақсы көреді, сондықтан ширек ғасыр локомотив жүргізуден жалыққан емес.
Оның айтуынша, машинист болудың қиындығы өз алдына, жүйкеге түсетін салмақ, денсаулыққа зияны да бар. Неге десеңіз, электровоз – 27 мың вольт ток көзі қосулы тұрған сымдардың ортасында жүреді. Қуатбек Мықтыбекұлы бұл салаға орта жолдан қосылмаған. Оның атасы, әкесі, ағалары, қысқасы, әулеттің бәрі түгел дерлік теміржолшылар. Атакәсіпке айналғалы қашан.
Қуатбеков бүгінгі таңда машинистердің жалақысы жақсы көтеріліп жатқанын, ол қиындығы мен қауіп-қатері көп атқарып жатқан еңбектеріне сай екенін айтып өтті.
Машинистің айтуынша, Қазақстанның теміржолдары негізінен сапалы, дегенмен арасында сапасы төмен телімдер де бар, олар жолшылардың күтіміне байланысты. Жақсы күтім болса – қауіпсіз, нашар болса – қауіпті.