Даңқты династия өкілі

ҚТЖ келбеті
02.08.2022, 13:57
Қуаныш Қожаев

Абай облысы бойынша меншікті тілші

Семей станциясының басы қашанда қарбаласқа толы. Бүгін де солай. Маневрлік жұмыстар саябырлаған бір сәтте ПЧ-39 – жол дистанциясы мекемесінің  жолшылар бригадасы ағымдық жөндеу жұмыстарын жүргізуге кірісіп кетті. Іргелес тұйық желіге келіп тоқтаған жол машинасынан сары желет пен күнқағар киген орта жастар шамасындағы жігіт ағасы түсті. Шалғай станциядан асығып жеткен жүзі шаршаңқы. Бұл – Семей жол дистанциясының бастығы Рахат Ботаспаев.

Арнайы жүргізуші куәлігі бар Рахат Нұрғазыұлы кез келген жол машинасының «құлағында ойнайды». Бұл жолшылар қауымы үшін таңсық емес. Сонымен қатар, техниканың әр тетігін білетіні, рельс үстінде жылжыған дефектоскопиялық тележка операторының жұмысын да оп-оңай атқарып кете алатыны – күллі бөлімшеге аңыз болып тараған адам. Бүгінде дистанция бастығының желі бойында жол өлшеуіш машинаның пультіне отырып, Дегелеңнен Жаңа-Семейге дейін түгел сүзіп шығатынына да ешкім таңғалмайды. 

– Ең алғаш осы дистанцияға қарапайым монтер болып келген кезде-ақ жол саласын бір кісідей білетін едім. Себебі, күллі Шар өңіріне әйгілі жолшылар династиясының өкілі болғандықтан, осы саланың майталмандары, Құрметті теміржолшы атақтары бар алдыңғы екі ағама қарап бой түзеп өстім. Осыны білетін сол кездегі басшымыз Жамбыл Баймұқашев шақырып алып, жол машинасының машинисі болуға кеңес берді. Осылайша, жол монтерінен соң машинист, механик, кейіннен жол шебері болып еңбек еткен жылдарым текке кетпеді, аз жылда әмбебеп жолшы болып шыңдалдым, – дейді біз әңгімеге тартқан Рахат Нұрғазыұлы.

Расымен, туа бітті жолшы болып қалыптасқандай әсер қалдыратын жас жолшы басшылықтың сенімін ақтайды. Тіпті, бір айға жуық жол жүріп Ресейдің түкпірдегі қалаларынан жол машиналарын Семейге жүргізіп әкелуді де басқа емес,  Ботасбаевқа тапсыруының да сыры осында жатса керек. Әйгілі «Шар ПМС» мекемесінің Дегелең-Ақсу телімін салуға қатысқан майталмандардан да үйренгені аз болмапты. 

«Нағыз жолшы қандай болуы керек?» деген сауалға дистанция бастығы Рахат Нұрғазыұлына қарап жауап беруге болады. Желі бойындағы кез келген маманның міндетін мүдірмей атқарып жүре беретіні өз алдына, басшы ретінде жұмысқа деген талапшылдығы сонша, қарамағындағылар үшін жұмыстан жалтару, ақталу деген мүмкін болмайды екен. 

Таңғы жетіден жол бойынан табылатын басшының тынымсыздығынан дейік, бүгінде ПЧ-39-ға қарасты 264 шақырымдық жол бойы алақандағыдай назарда тұр. Жалпы, Дегелең-Жаңа-Семей аралығындағы 141 шақырымдық жол соңғы бес жылдың ішінде толықтай жаңартылып, темір-бетонды шпалға ауыстырылыпты.

– Соның нәтижесінде жолаушылар пойызы біздің теліммен сағатына 140 шақырым жылдамдықпен жүйтки алады. Осыдан бес жыл бұрын бұл көрсеткіш сағатына 40 шақырым ғана болатын. Жүк пойыздарына сағатына 80 шақырымдық жылдамдық белгіленді. Жылжымалы құрамдар соңғы жылдары күрт көбейген, бүгінде толассыз ағылып жатыр, – дейді жол дистанциясының басшысы. 

Дегенмен қазіргі таңда бөлімшенің солтүстік тармағы – Локоть-Семей бағытын толықтай жаңарту қажеттілігі туындауда. Қазіргі әлемдік геосаяси ахуал ықпал еткен болуы керек, бүгінгі таңда Ресейден ағылатын жүк пойыздарының саны да күрт артып келеді. Семейлік жолшылар ендігі күшті осы телім бойын жаңартуға жұмылдырмақ. 

Әйтсе де, Рахат Нұрғазыұлының бастамасымен желі бойындағы инфрақұрылым көп жаңартылды. Жалпақ, Известковый, Шаған сынды шалғай станцияларда ауызсу модульдері, демалыс үйлері, балалардың ойын алаңдары салынды. Қысқы қармен күрес науқанында арнайы жұмысшы пойызы да жолға шығарылады. Ұжымның ауызбіршілігін, ынтымағын алға қоятын, мамандарды ынталандыруға баса мән беретін басшының идеясымен мекемедегі кәсіподақ ұйымы үздік нәтиже көрсеткен әрбір айналым мен участоктың жұмысшыларына әр алты ай сайын арнайы жүлде, сыйақы беріледі. Дистанцияда бүгінгі таңда 318 адам еңбек етеді.Ұйымшыл ұжым тек еңбекте ғана алда емес, спорттық жарыстардан бөлімше чемпионы атанып, қайрымдылық мақсаттағы қоғамдық іс-шараларда алдыңғы қатардан табылып келеді.   

Әр минуты санаулы ПЧ-39 бастығы жол машинасының жанындағы әңгімесін кілт үзді. Жол диспетчері хабарласып жатыр. Семейдің іргесіндегі жаңадан ашылған алып май зауыты сынды бірқатар кәсіпорындар үшін біраз жыл қараусыз қалған тұйық желілер қайта жаңғыртылған болатын. Бүгінде өңірдегі өнеркәсіптер жанданып, 90 жылдары тоқыраған кірме жолдарға да жан бітуде. Мәселен, тағы бір тармақ қайта пайдалануға берілмек. Ол үшін әлбетте Рахат Ботаспаев сынды маманның кеңесі қажет. Теміржол саласында 28 жыл еңбек өтілі бар «Үздік маман» және «Үздік басшы» марапаттарының иегері қызметтік көлігіне отырып,  асығыс кетіп бара жатты...

Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды
Жаңалықтар / Мұрағат
06.05.2025
Қазақстан теміржолшысы газеті, №34-35 06 мамыр 2025 жыл