Елімізде теміржол желісіне ауқымды жаңғырту жүргізуде
ҚТЖ желісінің өткізу қабілетін арттыру үшін Алтынкөл - Жетіген (293 км) учаскесін жаңғыртуға, Қызылжар – Сексеуіл (712 км), Қандыағаш - Тобыл (653 км), Ақсу-1 - Жаңа-Семей (352 км) учаскелерінде автоматты бұғаттау жүйесін енгізуге кірісті, деп хабарлайды Rail-news.kz.
Жобалар ҚР Президенті Қ. К. Тоқаевтың Трансқазақстандық теміржол дәлізін жедел дамыту жөніндегі тапсырмаларын орындау аясында іске асырылуда.
Қысқа мерзімде 230 бірлік техника мен 363 қызметкерді жұмылдыру қамтамасыз етілді. Пойыздар қозғалысын басқарудың заманауи жүйесін енгізумен қатар учаскелерде жаңа разъездер салу және қолданыстағы станцияларды дамыту жүргізіледі.
Жаңа разъездер үшін 1 миллион текше метрден астам жер төсемі төгілді, бұл жалпы жұмыс көлемінің 30% құрайды. Жер жұмыстары 48-дің 10 бөлек пунктінде аяқталды.
Жолдың жоғарғы құрылымын төсеу басталды. Ақсу - Жаңа-Семей учаскесінің Май станциясында алғашқы бағыттамалық бұрма салынып, Алтынкөл - Жетіген учаскесінің Нұрлы станциясында рельс-шпалдық тор төселуде.
Сондай – ақ, Алтынкөл-Жетіген учаскесінде су өткізу құрылыстарын жаңғырту жұмыстары қарқынды жүргізілуде. Жұмыстар бір уақытта 15 құрылыста жүргізіледі, оның ішінде 3 құбыр дайын.