Белгісіз біреулер темір жолының жоғарғы құрылымы материалдарын ұрлап кеткен
2024 жылғы 3 қарашада Отар – Шилібастау аралығында теміржолшылар SKL-14 бекіту жолының жоғарғы құрылымының материалдарын (бұрандалар, бұрышты бағыттаушы, серпімді клемдер) ұрлануын анықтады, деп хабарлайды Rail-news.kz.
Алдын ала есептеулер бойынша, белгісіз біреулер 2745 данасын ұрлаған. Бұл темір жолда үлкен апатқа, вагондардың рельстен шығып кетуіне әкелуі мүмкін еді.
Бұл учаскеде жедел қалпына келтіру жұмыстары жүргізілді. Теміржолшылар пойыздар қозғалысының қауіпсіздігін қамтамасыз ету үшін шаралар қабылдады. Жөндеу жұмыстарынан кейін бірінші болып сағатына 25 км-ден аспайтын жылдамдықпен жүк пойыздары өткізілді.
Жыл басынан бері осы аралықта темір жолдың жоғарғы құрылысының материалдарын ұрлаудың екінші жағдайы тіркелді, ел бойынша барлығы – осындай 10 жуық жағдай. Материалдар қылмыстық іс қозғалған құқық қорғау органдарына жіберілді. Теміржол жұмысына бөгде адамдардың заңсыз араласуы вагондардың рельстен шығып кетуі себептерінің бірі болып табылады.
Темір жолдың жоғарғы құрылымы материалдарының элементтерін ұрлаудың салдары жолаушылар мен жүк тасымалының қауіпсіздігіне тікелей қауіп төндіреді, сондай-ақ осындай жағдайлардан кейін жөндеу учаскелерін жабады, бұл тасымалдау жұмысының ырғағына, пойыздар қозғалысы кестесінің бұзылуына әкеледі.
ТЖ-ны болдырмауға мүмкіндік берген жол бойындағы ұрлықты дер кезінде байқаған қырағы теміржолшыларға ҚТЖ алғыс жариялады.