Шу және Есіл деполарының локомотив бригадалары теміржол өткелдерінде соқтығысудың алдын алды

26 маусымда Шу және Есіл локомотив пайдалану деполарының локомотив бригадалары кәсіби іс-қимылдарының арқасында теміржол өткелдерінде екі жол-көлік оқиғасының алдын алды деп хабарлайды Rail-news.kz.

Сағат 08:32-де Тобыл – Есіл учаскесінің Аманқарағай-Құсмұрын аралығында 97 км/сағ жылдамдықпен келе жатқан жолаушылар пойызының машинисі КамАЗ жүк көлігінің кенеттен жолға шығуына байланысты күзетілмейтін реттелетін теміржол өткелінің алдында шұғыл тежеуді қолданды. Локомотив бригадасының дер кезінде әрекет етуінің  арқасында соқтығысуға жол берілмеді. Көлік жүргізушісі оқиға орнынан қашып кетті. Өткел жылжымалы дабылмен: көлденең орналасқан екі қызыл шамы бар бағдаршамдармен және дыбыстық дабылмен жабдықталған.

Сағат 08:41-де осындай жағдай Шу – Шығанақ учаскесінің Жиделі – Берлік аралығында орын алды. Жүк пойызының машинисі Toyota Land Cruiser көлігінің күзетілмеген теміржол өткеліне шығып кетуіненкейін төтенше тежеуді қолданды. Соқтығысудың алды алынды. Пойыздың кешігуі 6 минутты құрады.

«Қазақстан темір жолы» ҰК» АҚ жүргізушілерді теміржол өткелдерінен өту кезінде Жол қозғалысы ережелерін қатаң сақтауға шақырады. Пойыздың салмағы едәуір ауыр, ал оның тежегіш жолы 1000 метрден асуы мүмкін, сондықтан құрамды бірден тоқтату мүмкін емес.

Теміржол өткеліндегі әрбір ережені бұзу жүргізушілердің, автомобиль және пойыздар жолаушыларының өміріне нақты қауіп төндіреді. 

Тек кәсіпқойлықтың, зейіннің және локомотив бригадаларының жедел әрекеттерінің арқасында екі жағдайда да қайғылы салдарға жол берілмеді.

Екі жағдай бойынша да ақпарат құқық қорғау органдарына берілді.

Оқиғалардың алдын ала себебі – автокөлік жүргізушілерінің жол қозғалысы ережелерін бұзуы.