Жыл басынан бері 80 мыңнан астам әйел-жолаушы әйелдер вагонында жол жүру қызметін пайдаланды

Жыл басынан бері 80 мыңнан астам әйел-жолаушы әйелдер вагонында жол жүру қызметін пайдаланды.

Ағымдағы жылдың басынан бастап 80 мыңнан астам әйел-жолаушы «Жолаушылар тасымалы» АҚ әйелдер вагондарында жол жүру мүмкіндігін пайдаланды, ал пилоттық жоба іске қосылған сәттен бастап–200 мыңнан астамы.

Бүгінгі таңда Ұлттық тасымалдаушының бұл қызметін 8 бағыт бойынша пайдалануға болады: Алматы – Өскемен, Алматы – Маңғыстау, Павлодар – Түркістан, Маңғыстау – Семей, Атырау – Астана, Ақтөбе – Алматы, Астана – Алматы, Астана – Шымкент.

bilet.railways.kz сайтында немесе «Жолаушылар тасымалы» АҚ-ның билет кассаларында жол жүру құжаттарын ресімдеу кезінде «әйелдер» вагоны «ЖН» арнайы литерасымен белгіленеді.

Жолаушылардың жайлы сапарлауы үшін барлық қажетті жағдайлар жасалған және жол жүру жолында әйел жолсеріктер қызмет көрсететінін атап өткен жөн. Әр рейс алдында пойыз бригадасының барлық қызметкерлері нұсқаудан өтеді.

Айта кетейік, «әйелдер» вагондарында жеті жасқа дейінгі ер жолаушылардың жол жүруіне жол беріледі.

Жолаушылар пойыздарының қозғалыс кестесі бойынша анықтамалық ақпаратты «1433» тегін нөмірі және «KTZH_PP_BOT» Телеграмм ботыарқылы алуға болады.