Романтик жүрегі теміржолды қалап тұрды

ҚТЖ келбеті

06.04.2022, 14:06

Оқуға 2 мин

«ҚТЖ-Жүк тасымалы» ЖШС қозғалыс қауіпсіздігі департаментінің менеджері Аманқос Оразұлы Нәдіровті құрметті демалысқа салтанатты түрде шығарып салды.

Қозғалыс қауіпсіздігі департаментінің директоры Жақсылық Жұматаев «ҚТЖ-Жүк тасымалы» ЖШС Бас директоры атынан және жеке өз атынан мінсіз және көпжылғы жұмысы үшін алғыс білдіріп, Алғыс хат пен естелік сыйлықты табыс етті.

«Аманқос Оразұлы - өз ісін жетік білетін, көпжылдық еңбек өтілі мен үлкен тәжірибесі бар білікті маман», - деп атап өтті атқарушы директор Иван Костыря.

Аманқос Оразұлы темір жолға 43 жылын арнады. Ревизорлық аппаратта 25 жылға жуық жұмыс істейді. Яғни, ширек ғасыр бойы пойыздар қауіпсіздігінің сақшысы қызметінде. Бұл құрылымға ол мол тәжірибесі бар теміржолшы ретінде келді.

«Басқалар істей алғанды, менің атқара алмауым мүмкін емес». Осындай ұранмен ол өз мақсаттарына аяқ басты. Ол пойыз жүргізуді армандады! Бірде келе жатқан пойыз бен машинисті көріп, бұл менің тағдырым деп шешті: «Ол жүргізе алса, менің де қолымнан келеді. Жүрегі теміржолды қалап тұрды».

Аманқос Оразұлы әскерден оралғаннан кейін, 1979 жылы Атырау локомотив депосының табалдырығын машинист көмекшісі ретінде аттады. Кейін карьерлік баспалдақтың барлық сатыларынан өтті: машинист, машинист-нұсқаушы, депоны пайдалану жөніндегі директор орынбасары болды. Машинист бола отырып, ол өзінің арманын ғана емес, темір жолда ұлын көргісі келген анасының да тілегін орындады.

Содан кейін орталық аппаратта ревизор болып жұмыс істеді. Ревизорларда үлкен жауапкершілік жатыр, олардың кәсібилігінен көбінесе теміржол қауіпсіздігінің іргетасы қаншалықты берік екені байланысты. Бұл күнделікті қажырлы еңбек.

Аманқос Оразұлы - үлкен кәсіби маман және жұрт қадір тұтатын тұлға. Адал маңдай теріне «Адал еңбегі үшін» және «Қозғалыс қауіпсіздігі үшін» төс белгілерімен, «Локомотив» АҚ президентінің атаулы сағаттарымен марапатталған. Ол «ҚТЖ-Жүк тасымалы» ЖШС-ның мықты ұйым екеніне сенімді.

«Локомотив шаруашылығындағы қозғалыс қауіпсіздігіне әсер ететін негізгі факторлар, бұл локомотив бригадаларының еңбек және демалыс режимі, қауіпсіздік құралдарының дұрыс жұмыс істеуі және қызметкерлердің техникалық білімі. Локомотив шаруашылығымыз мықты, бір-екі жылдан соң бізде ешқандай проблема болмайды. Локомотив паркін айтарлықтай жаңарту жүріп жатыр. Бірақ жұмыстың негізгі бағыты әрқашанда қауіпсіздік болады. Жүктерді тасымалдау еңбекті қорғау мен қозғалыс қауіпсіздігімен қатар жүруі тиіс», - деп есептейді ревизор.

Аманқос Оразұлы темір жолдың сенімді қолда екенін біледі: «Локомотившілер күндіз де, түнде де жұмыс істеп, өздерінің кәсіби міндеттерін орындай отырып, темір жолмен өмір сүреді».

Аманқос Оразұлының қызы мен ұлы, бес немересі бар.