Ақжайық белгі беру және байланыс дистанциясы ұжымы Сенім сертификатына ие болды

Атырау магистральдық желі бөлімшесінде өткен жиында Дүниежүзілік еңбек қорғау күніне орай бірқатар мекемелер мен жекелеген теміржолшылар марапатталды.

Олардың бәрі де өндірісте жазатайым оқиғалардың алдын алып, қауіпсіздік шараларының сақталуына үлес қосқандар. Барлық құрылымдық бөлімдердің еңбек қорғау инженерлері мен бөлім басшылары қатысқан жиында 30 жыл өндірістік жарақатсыз жұмыс істеп және қауіпсіздік талаптарын бұлжытпай орындағаны үшін Ақжайық белгі беру және байланыс дистанциясы ұжымы «ҚТЖ» ҰК» АҚ басқарма төрағасы Н.Сауранбаевтың Сенім сертификатымен марапатталады. Ал «ҚТЖ» ҰК» АҚ бас инженері – Техникалық саясат департаментінің директоры Батыр Котыревтің Еңбекті қорғау және қауіпсіздік бойынша 2-ші санатты Сенім сертификатымен Атырау белгі беру және байланыс дистанциясы ұжымы, 3-ші санатты Сенім сертификатымен Атырау жол дистанциясы ұжымы марапатталады.  

2022 жылдың қорытындысы бойынша үздік «Еңбек қорғау бұрышы» номинациясын Ақжайық өрт сөндіру пойызы ұжымы, «Үздік ас бөлмесі» номинациясын Мақат вокзалы жеңіп алды. Бірқатар мамандар бөлімше басшысының Алғыс хатымен марапатталды.