Қауіпсіздік тақырыбына арналған семинар
«Қазақстан теміржолшысы» газетінің тілшісі
«ҚТЖ» ҰК» АҚ филиалы – Магистральдық желі дирекциясы басшылығының қатысуымен Жамбыл магистральдық желі бөлімшесі базасында онлайн-семинар өтті.
«Жұмыс орнындағы қауіпсіздікке ұжымдық жауапкершілік – жұмысты табысты орындаудың кепілі» тақырыбында өндірістік қауіпсіздік бойынша өткен жиынды ашқан Дирекцияның бас инженері Қайырбай Орынбаев семинардың бағдарламасымен таныстырып өтті. Жамбыл НЖС Қауіпсіздік және еңбек қорғау қызметінің жетекші инженері Әбжами Көбейсін «Қауіпсіздік минуты» бойынша кеңсе-менеджеріне арналған еңбек қорғау және қауіпсіздік бойынша нұсқамамен таныстырды. Әрі қарай Жамбыл магистральдық желі бөлімшесі директорының бірінші орынбасары Дәулетбек Жолдасбаев бөлімшенің еңбек қорғау және қауіпсіздік бойынша ағымдағы жылдың 11 айындағы жұмысына талдау жасады.
«Семинардың мақсаты – еңбек қауіпсіздігі және еңбекті қорғаудың барлық мәселелері бойынша, жаңа заңнамалық және жергілікті актілерді енгізу, Компания басшылығы мен магистральдық желі дирекциясының талаптары туралы ақпарат беру. Темір жол көлігіндегі еңбекті қорғау және өнеркәсіптік қауіпсіздікті басқару жүйесінің негізгі міндеттерінің бірі – әртүрлі кәсіптегі жұмыскерлер еңбек процесі кезінде ұшырайтын тәуекелдерді басқаруды үйрену», – деп атап өтті Дәулетбек Жолдасбаев өз сөзінде.
Семинар барысында өндірістік бақылау, ҚР Еңбек Кодексінің нормалары мен талаптары, темір жол көлігіндегі өнеркәсіптік қауіпсіздік мәселелері таныстырылды.