Жұмыстың саны емес, сапасы маңызды
Ақтөбе облысы бойынша меншікті тілші
«ҚТЖ-Жүк тасымалы» ЖШС – «Батыс» филиалының бас инженері Жасұлан Рысқалиев бір топ техникалық еңбек қорғау инспекторларымен кездесті. Еңбекті қорғау талаптарының бұзылуын уақытылы анықтау және оларды жоюға қол жеткізу міндеттері қойылды.
«Жұмыстың санына емес, сапасына көңіл бөлу керекпіз. Бірлескен күш арқасында еңбекті қорғаудың оң мәдениетін қалыптастыра аламыз. Еңбек қауіпсіздігі сөз күйінде қалмау керек. Әр қызметкер сенімді, алаңсыз жұмыс істей алатындай еңбек қауіпсіздігі қорғалу керек», – деп атап өтті Жасұлан Рысқалиев.
Техникалық инженерлердің кездесуі барысында еңбек қауіпсіздігі мен еңбекті қорғау бойынша ішкі бақылау нәтижелеріне мән беру айтылды. Әсіресе жиі қайталанатын ескертулерге назар аудару басты міндет болмақ.
Бас инженердің айтуынша, техникалық инженерлер жұмысының сапасы түрлі тәсілмен, жұмыс нәтижесімен қадағаланады. Сонымен қатар жұмыс беруші үшін техникалық инспекторлар шалғай бөлімшелер мен цехтардағы еңбек қауіпсіздігі және еңбекті қорғау тұрғысынан «көзі мен құлағы» іспеттес. Кездесу соңында жетекші инженерлерге штаттан тыс инспектор төсбелгісін тақты.