Еңбекті қорғау апталығы өтіп жатыр

Қауіпсіздік
26.04.2024, 11:55
Суреттерді түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

«ҚТЖ» ҰК» АҚ – «Жамбыл магистральдық желі бөлімшесі» филиалында еңбекті қорғау апталығы өтіп жатыр. Кәсіптік оқыту семинары, экологиялық акция, қайырымдылық сынды бірнеше іс-шараны қамтыған апталық 28 сәуір – Дүниежүзілік еңбекті қорғау күніне орай ұйымдастырылып отыр.

Магистральдық желі бөлімшесіне қарасты мекемелердің еңбек қорғауға жауапты мамандары мен жетекші инженерлер қатысқан семинар өтіп, өндірісте қаза болғандарды бір минуттық үнсіздікпен еске алды. Бөлімшенің бас инженері Дастан Садықов еңбек қауіпсіздігіне әсер ететін факторларға кеңінен тоқталып, тақырыптық баяндама жасады. Туындайтын қауіп-қатерлерге мысал келтіріп, кәсіби тәуекелдер туралы таратып айтты. Бас инженердің мәліметінше, магистральдық желі бөлімшесі бойынша 2022-2023 жылдардан бастап және 2024 жылдың 3 айында жарақат алу жағдайлары тіркелмеген.  

– 2019-2023 жылдар аралығында Жамбыл магистральдық желі бөлімшесінің кәсіпорындарында 6 өндірістік жарақатқа жол берілді. Жол шаруашылығында – 4, байланыс және энергиямен жабдықтау шаруашылығы бойынша 2 жарақаттану жағдайы орын алды. 5 жыл ішінде жол берілген травматикалық жағдайлардың мән-жайлары мен себептеріне жасалған талдау көрсеткендей, 40 жастан асқан және 6 жылдан астам жұмыс өтілі бар зардап шеккен қызметкерлердің жарақат алуына қарапайым қауіпсіздік талаптарын сақтамауы себеп болған, – дейді Дастан Ербайұлы.  

Семинарда Жамбыл магистральдық желі бөлімшесінің еңбек қорғау, өнеркәсіптік қауіпсіздік және экология секторының бөлім басшысы Көбейсін Әбжами «Климаттың өзгеруінің еңбек қауіпсіздігіне және еңбек гигиенасына, денсаулыққа әсері» тақырыбында мазмұнды баяндама жасады.  

Сондай-ақ Еңбек қауіпсіздігі және еңбекті қорғау, өнеркәсіптік қауіпсіздік және экология қызметінің жетекші инженері Ж. Есіркепов, Жамбыл жол дистанциясының еңбек қауіпсіздігі және еңбекті қорғау қызметінің жетекші инженері Т.Сыздықов, Шу сигнализация және байланыс дистанциясының жетекші инженері Д.Адалбеков, Шу электрмен жабдықтау дистанциясының жетекші инженері Ж.Шәлімбаева сөз алып, өндірістік жағдайда туындайтын қауіп-қатерлерге тоқталды.  

Семинарға қатысушылар арасында түрлі зияткерлік ойындар, конкурстар, брэйн-рингтер өткізілді. Олар ситуациялық жағдайда қандай шешімдер қабылданатынын, шұғыл әрекеттер жасалатынын көрсетті. Еңбек қауіпсіздігі және еңбекті қорғау, өнеркәсіптік қауіпсіздік және экология қызметінің мамандары семинардан кейін экологиялық акцияға қатысып, Жамбыл сигнализация және байланыс дистанциясының аумағына 30 ағаш көшетін екті. Осылай теміржолшылар үшін экологиялық таза аймақ құру және микроклиматтық жағдайды жақсартуға атсалысты.  

– 20-27 сәуір аралығын қамтыған апталық аясында салауатты өмір салтын насихаттап, қауіпсіз еңбек жағдайларын қамтамасыз ету бағытында нәтижелі еңбек етіп жүрген желілік кәсіпорын қызметкерлері, еңбекті қорғау және экология мамандары ақшалай сыйақымен марапатталды. Үздіктерді анықтау үшін конкурс ұйымдастырылып, онда жазатайым оқиғалардың алдын алу бағытында атқарылған жұмыстарға баса назар аударылды, – дейді Көбейсін Ақтанұлы.  

Бөлімшеде 31 регрессивті, өндірістік жарақат алған қызметкер бар. Желілік кәсіпорындардың кәсіподақ ұйымы зардап шеккендердің отбасына барып, азық-түлік себеттерімен қоса бір қап ұн, қант таратып, қаржылай көмек көрсетті.  

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста