Еңбек – қауіпсіз болса өнбек

Қауіпсіздік
04.06.2024, 11:01
Суретті түсірген автор
Сабырхан Сейілбекұлы

Қызылорда облысы бойынша меншікті тілші

«ҚТЖ-ЖТ» серіктестігі филиалы Қызылорда қосалқы бөлімінде еңбек қауіпсіздігі және еңбек қорғау бойынша ұйымдастырылған семинар-кеңес «Қауіпсіз жұмыс жасап, өміріңді сақта» тақырыбында өткізілді.

Компанияның Жүк тасымалы серіктестігіне қарасты мекемелердің бас инженерлері, локомотившілер, еңбек қорғау саласының сектор меңгерушілерінің басын қосқан семинар-кеңеске алпысқа жуық адам қатысты.  

Жиын шараны ұйымдастырушы жауапты маманның бірі Қызылорда қосалқы бөлімінің қауіпсіздік және еңбек қорғау, экология бөлімінің бастығы Ғалия Көпжасарованың «Қауіпсіздік минуты» тақырыбындағы кіріспе слайдымен ашылды. Әрі қарай «ҚТЖ-ЖТ» серіктестігі локомотив пайдалану департаментінің бас инженері Арман Садықов, Қауіпсіздік және еңбек қорғау департаментінің бас менеджері Д.Төлеуова, «Медиум клиник» мекемесі өкілдері сөз алып, семинар тақырыбына қатысты баяндама жасап, еңбек қауіпсіздігін қорғау мәселесіне қатысты жаңалықтармен, қажетті мағлұматтармен таныстырды.  

– Қазіргі таңда басты мақсат теміржолшының жұмыс жасайтын орны оның өмірі мен денсаулығына қауіп төндірмейтіндей орта жасау болып отыр. Адам жұмыс жасай жүріп қандай да бір жарақат алмауы тиіс. Жалпы локомотив шаруашылығында негізгі жұмыс техникамен атқарылатындықтан машинистің жинақылығы мен қырағылығы, білімі мен білігіне көп нәрсе байланысты. Компания тарапынан жүргізіліп отырған кешенді шаралар аса қауіпті аймақта тәулік бойы жұмыс жасайтын машинистердің қауіпсіздігіне бағытталып отыр. Жаңа локомотивтер алынуда, электрожарақат алмау үшін электровоздарға пломбы басу қолға алынған, машинистердің 16 демалыс үйіне күрделі жөндеу жасалды. Локомотивтерге техникалық қызмет көрсету пункттері де күрделі жөндеуден өткізіліп, жұмысшыларға қолайлы жағдай жасалып жатыр. Жұмыс кезінде теміржолшы жарақат алмауы тиіс, бұл – біздің басты нысанамыз. Бүгінгі семинар-кеңестің мақсаты да осы. Машинист болсын, сектор басшысы болсын, инженер болсын жұмыс орнында денсаулығына қауіп төнетіндей жағдайды сезсе, дереу жұмысты тоқтатып, тәуекел жасауды доғарып, тиісті инстанцияға хабар беруі керек. Осы жағдайды біз үнемі қайталап айтамыз, бүгін тағы да еске салуға мәжбүрміз, – деді «ҚТЖ-ЖТ» ЖШС локомотив пайдалану департаментінің бас инженері Арман Абайұлы.

Қызылорда локомотив пайдалану депосының бастығы Нұртай Байғазы депо тарихына шолу жасап өтіп, бүгінгі ахуалдан мәлімет берді. Ал көліктегі санитарлық бақылау бөлімінің бастығы Зәуре Сандыбаева медициналық тексеруден өту тәртібі туралы сөз қозғады. Қызылорда локомотив пайдалану депосының қауіпсіздік және еңбек қорғау, экология секторының бастығы Әзімхан Жиенбаев «машинистің қайғылы жағдайға душар болу жағдайын зерттеу» жайлы сараптама жасаса, Өскемен, Арыс және Шу деполарында машинистердің қайғылы жағдайға душар болу жағдайын Қанат Макашев, Сағыныш Аралбаев пен Жансұлу Әбилдаева талдады. Жаңа Есіл депосының өкілі Карина Мұхтарова қатысушыларды сергіту ойындарын қызықты өткізді.  Семинардың екінші күні Қызылорда локомотив пайдалану депосын аралап, күрделі жөндеуден өткен локомотивтерге техникалық қызмет көрсету цехтарымен танысқан қонақтар аспан асты мұражайында, құм кептіру шаруашылығында болды.  

«ҚТЖ-ЖТ» серіктестігі бас директорының локомотив шаруашылығы жөніндегі орынбасары Асан Үмбетов қатысушылармен кездесу өткізді.  

– Мамыр айының соңғы екі күнінде Қызылорда локомотив пайдалану депосының базасында өткізу жоспарланған семинар жоғары деңгейде, өте мазмұнды өтті. Теміржолшының қауіпсіз жағдайда жұмыс жасап өз өмірін кез келген қауіптен сақтандырып, еңбегін қорғау мәселесі төңірегінде кеңінен талқылау өткізді. Өткен жылы локомотив шаруашылығы бойынша орын алған жағдайлардың себеп-салдары ортаға салынып, кеңінен талқыланды. Семинарды практикалық тұрғыда өткізуге ұсыныстар айтылды. Қысқасы, еңбек – қауіпсіз болғанда ғана өнбек деген тұжырым жасалды, – деді бөлімнің қауіпсіздік және еңбек қорғау, экология бөлімінің бастығы Ғалия Көпжасарова.  

Еңбек қауіпсіздігін сарапқа салған алқалы жиынға қатысқан сала мамандары басқосудың танымдық та, тағлымдық та әсері мол болғанын жеткізіп, семинарды ұйымдастырған қызылордалық әріптестерге риза болып аттанды.  

 

Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет