Ақауды дыбысынан анықтап, қауіптің алдын алды

Қауіпсіздік
11.07.2024, 10:54
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

ВЧД-27 Жамбыл вагон пайдалану депосының Шу станциясындағы вагондарға техникалық қызмет көрсету пунктінде вагон қараушы Төрехан Чолпанқұлов жүк пойызының вагонынан ақау тауып, қауіптің алдын алды.

Тараз станциясынан шыққан №3192 жүк пойызы Шу станциясына 18 маусымда түнгі сағат 23.45-те келіп жетеді. 52 вагон тіркеген құрамға  салмағы 2040 тонна жүк тиелген болатын. Сол күні түнгі ауысымға түскен вагон қараушы Төрехан Чолпанқұлов 16-шы жолға тоқтағалы келе жатқан жүк пойызын бақылап тұрып, вагондардың бірінің  доңғалақ жұбынан өзгеше дыбыс шығып келе жатқанын байқайды. Бұл туралы әріптесі Қайрат Тойбазаровқа хабарлап, ақаулы вагон болуы мүмкін екенін ескертеді.  Екеуі ұзын құрамның екі басынан вагондарды мұқият қарап-тексере бастайды. Нәтижесінде 919002171 нөмірлі үшінші вагонның доңғалақ жұбы  дискісі сынғанын анықтайды.  

– Жағдайды аға вагон қараушы Ж.Садырбайға  баяндадық. Нұсқауға сәйкес, ол вагондарға техникалық қызмет көрсету пунктінің, Жамбыл вагон пайдалану депосының, Жамбыл магистральдық желі бөлімшесінің басшылығына, станция кезекшісіне хабарлады. Әрі қарай вагон жүк пойызынан ағытылып, жөндеуге жіберілді, – дейді Төрехан Чолпанқұлов.

Қырағы вагон қараушының бұл анықтаған алғашқы ақауы емес. Тәжірибелі маман ақауды жүріп келе жатқан кезде доңғалақ жұптарының дыбысынан да байқауға болатынын айтады.  

– Көбіне дыбысқа баса мән береміз. Себебі, жарықшақ бар болса, болаттан таза дыбыс шықпайды. Вагон қараушының музыканттар секілді есту қабілеті ерекше болуы керек, – дейді ол.

Төрехан Чолпанқұлов 2011 жылдан бері вагондарға техникалық қызмет көрсету пунктінде еңбек етіп келеді. Алғашқыда слесарь болып жұмыс істеген ол екі жылдан кейін вагон қараушы болып ауысқан.  

 

ҚТЖ келбеті
27.06.2025
Вагон қозғалысын реттеушілер жайлы бір үзік сыр
Инфрақұрылым
27.06.2025
Маңғыстау теміржолы күрделі жөндеуге күш салуда
ҚТЖ келбеті
27.06.2025
Қырық жыл кешіккен шындық
Әлеумет
27.06.2025
Балалар жазы көңілді
Инфрақұрылым
27.06.2025
Теміржол жөндеу жұмыстары қарқынды жүріп жатыр
Жаңалықтар / Мұрағат
27.06.2025
Қазақстан теміржолшысы газеті, №49 27 маусым 2025 жыл
Әлемде
26.06.2025
Қытай темір жолдары биыл 1,86 млрд жолаушы тасымалдап, жаңа рекорд орнатты
Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан
ҚТЖ келбеті
24.06.2025
Апаттың алдын алған машинист «Ерлігі үшін» медалімен марапатталды
Спорт
24.06.2025
Семейде теміржол ардагерлерін еске алу турнирі өтті