Қауіпсіздік – балалар көзімен
![](https://rail-news.kz/uploads/2024/08/19/ExgMW8316VybSL70U8jeBxtS6Kqpmc9CcmpPt1it.jpg)
![](https://rail-news.kz/img/noimg.png)
Атырау облысы бойынша меншікті тілші
Биыл «Еңбек қорғау және өндірісте технологиялық процестерді сақтау» жылы болып жариялануына орай темір жол саласында әр түрлі шаралар өтіп жатыр. Соның бірі жер-жерде «Өзіңді сақта» атты балалар арасында сурет салудан байқау өтіп жатыр.
Атырау магистральдық желі бөлімшесінде өткен сайысқа ШЧ, ЭЧ, ПЧ мекемелері қызметкерлерінің 4-12 жас аралығындағы балалары қатысты. Сурет салуды жақы көретін бүлдіршіндер аз емес екен, десек те қазылар алқасы ШЧ-9 Ақжайық атынан қатысқан Ақбөбек Думанқызының сәтті шыққан шығармасын 1-орынға лайық деп таныды. Ал екінші орынды Тұрлан Нурикамал жеңіп алса (ШЧ-8 Атырау), 3-ші орынды Нұрбергенұлы Нұрислам (ШЧ-9 Ақжайық) иеленді. Балалар өз суреттерінде теміржолға қатысты өз ой-қиялдарын бояумен қағазға түсіріп, қауіпсіздік пен сақтық шараларын бейнелеуге тырысқан. Жеңімпаздарды бөлімше басшысының міндетін атқарушы Амангелді Рахмеденов арнайы диплом және сыйлықпен марапаттап, оларға шығармашылық табыс, оқуда озат болуды тіледі.
![](https://rail-news.kz/uploads/attachments/863f2fb0-e75c-4a82-ba6b-e84eb41be923-66c2f0d83ea9c.jpg)