Болашақ станциясында оқу-жаттығу өтті (Фото)

Қауіпсіздік
30.08.2024, 10:52
Суретті түсірген автор
Шахида Жұман

Маңғыстау облысы бойынша меншікті тілші

Маңғыстау теміржолының Болашақ станциясында қауіпті жүктің төгілуінің алдын алу бойынша оқу-жаттығу өтті. Онда жергілікті мемлекеттік құрылымдар мен Болашақ өрт сөндіру пойызы орын алған жағдайда талапқа сай әрекет ету жолдарын пысықтап, дайындығын шыңдады. 

«Мемлекеттік азаматтық қорғау жүйесінің басқару органдарын, күштері мен құралдарын тұз қышқылының ағып кетуінен туындаған төтенше жағдайды жою бойынша іс-қимылдарға дайындау» тақырыбында жүргізілген оқу-жаттығуға өрт сөндіру пойызы, АЦ-7-60 өрт сөндіретін «КамАЗ» және «Жедел жәрдем» автокөлігі тартылды. 

 

Қауіптің алдын алу және салдарын жою шарасы облыстық төтенше жағдайлар департаментінің жоспарына сәйкес Қарақия аудандық төтенше жағдайлар бөлімінің ұсынысы бойынша және Маңғыстау қосалқы бөлімі мен Маңғыстау магистральдық желі бөлімшелері басшыларының бекітуімен өткізілді.  

...Оқу-жаттығу сценариі бойынша Болашақ станциясының №5 жолына тақ бағытта келген пойыздың жүк вагонынан тұз қышқылы ағып кетеді. Туындаған қауіппен күреске қажетті мекемелердің қызметкерлері мен техникасы жұмылдырылады. Болашақ ауылындағы барлық мемлекеттік мекемелер мен станцияда орналасқан құрылымдық бөлімше басшылары да сол жерден табылып, жаттығу барысын қадағалады.  

– Паркті қарап келе жатқан шекарашы жігіт цистернаның қасына келгенде ағып кеткен тұз қышқылының салдарынан есінен танып қалады. Оны байқаған қызметкерлер дереу тиісті орындарға хабарлап, әрі қарай қауіптілігі бойынша үшінші топқа жататын тұз қышқылының төгілу салдарымен күреске кіріседі. Шекарашы жігітке шұғыл түрде «жедел жәрдем» жетіп, тиісті көмек көрсетіледі. Ал қауіпті жүгі бар вагон құрамнан ағытылып, №10 жолға қойылып, құтқару, оқшаулау жұмыстары жүргізілді. Вагон қоршалып, су, топырақ шашылып, беті зарарсыздандырылды. Одан соң тағы да сумен шайылып, тазаланды. Бұл шараларға Болашақ өрт сөндіру пойызынан жеті адам қатысты. Пойыздан 1 тонна 600 литр су, өрт сөндіру автокөлігінен де 1 тонна су жұмсалды. Тұз қышқылы өрт қаупін тудырмағанымен, оның адам денсаулығы мен экологияға зияны бар. Сондықтан ағып кеткен жер қабаты жылдам тазаланып, әсері жойылды, – дейді Болашақ өрт сөндіру пойызының шебері Ерболат Бытықов.  

Төтенше жағдай туралы хабарлама өрт сөндіру пойызына сағат 11.15-те түскен. Сағат 11.44-те төтенше жағдай толығымен бейтараптандырылған.  

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды