Болашақ теміржолшылар локомотив депосы тарихының музейіне барды
Нұр-Сұлтан қаласындағы Көлік және коммуникациялар жоғары колледжінің екінші курс студенттері үшін елордалық локомотив пайдалану депосының тарихы мұражайында экскурсия ұйымдастырылды. Депоның қалыптасуы мен дамуының тарихы туралы мұражай сақтаушысы, Құрметті теміржолшы, бұрынғы машинист-нұсқаушы, қазір құрметті демалыста жүрген Владимир Ульяненко айтып берді.
Экскурсия барысында балаларға бірегей артефактілер көрсетілді. Студенттер өткен ғасырда жарық көрген оқу құралдарына назар аударды. Олардың арасында 1949 жылы шығарылған "Қарағанды темір жолы машинистерінің озық жұмыс тәжірибесі" брошюрасы, сондай-ақ 1952 жылы шыққан "Паровоздарды жөндеу" кітабы бар.
Мұражай үнемі толықтырылып отырады. Депо қызметкерлері ұзақ жылдар бойы отбасылық мұрағаттарда сақталған құнды заттарды әкелуде. Жаңа экспонаттар қатарында қазақ ағартушылары Абай Құнанбаев, Ыбырай Алтынсарин және қазақ мемлекеттілігі көрнекті тұлғаларының бірі Абылай хан мүсіндері бар.
Кенепке маймен сурет салумен айналысатын бұрынғы машинист Александр Алексеев елордалық депоның заманауи ғимаратын әрлендіріп, паровозға жан бітірді. Қазір оның суреттері мұражайда сақтаулы. Депода ұзақ жылдар бойы машинистердің үрмелі оркестрі және "Надежда" теміржолшы-ардагерлер ансамблі жұмыс істеді. Бүгін солистер зейнеткерлік демалыста. Марапаттар мен музыкалық аспаптар депо мұражайына сыйға тартылды.
"Бүгін экскурссия жүргізушісі табысты оқуға ынталандырды. Соның арқасында, біз теміржол туралы көптеген қызғылықты мәліметтерді білдік. Владимир Ульяненконың өзі де біздің колледжді бітіріп, 48 жылын теміржолға арнаған жан. Кәсіпорынның дамуына өз үлесін қосқан және естеліктері мұражайда сақтаулы көптеген адамдарды Владимир Ульяненко жеке таныған", - деді студент Дарын Төлеубай.
Экскурсиядан кейін балалар пікір кітабына шынайы және жылы лебіздерін қалдырды. Балалар локомотив макеттерімен, теміржол құралдарымен, шамдармен селфи жасап, әлеуметтік желілер үшін роликтер түсірді.
"Теміржолшы мамандығы өте жауапты. Олардың әрқайсысынан – сынауы қатаң, өйткені оған миллиардтық құны бар жүктер мен ең бастысы -жолаушылар сеніп тапсырылғані. Мен теміржолмен мақтанамын, сіздер маңызды да жауапты өмір жолын таңдадыңыздар", - деді Владимир Ульяненко студенттерге арнаған сөзінде.