Тереңөзек көгілдір отынға көшті

Қызылорда өңіріндегі Құмкөл мұнай кенішінің көгілдір отынын аймақ тұрғындары бірнеше жылдан бері тұрмыстық қажеттілікке пайдаланып, игілігін көріп келеді. Аймақты әр кезеңмен газбен қамту жобасының кезегі биыл Тереңөзек ауданына келіп жетті. Аталған станциядағы электрлік орталықтандыру қосыны түгелімен көгілдір отынға қосылды. Теміржолшылардың санитарлық жағдайын жақсарту және оларға әсер етуі ықти- мал зиянды факторлардың алдын алу, қоршаған ортаның ластануын азайту мақсатында ЭЦ қосынын көгілдір отынға көшіру жұмыстарын Теміржол- су-Қызылорда мекемесінің ұжымы сәтті атқарып шықты. Бұған дейін бұл мекеме қыстың кейбір аязды күндерінде тәулігіне тоннаға жуық көмір жағып тұтынушыларын жылумен қамтып келген болатын. Жақсы жаңалықты ести сала Тереңөзек станциясындағы газ қазандығының жұмысын көруге арнайы бардық. – Міне, көріп тұрғаны- ңыздай, жылу қазандығына жалғанған газ құбырынан немесе жалпы бөлмедегі газ құбырларынан сыздықтап газ қашқан уақытта жүйеге орна- ластырылған газ анализаторы автоматты түрде іске қосылып, дабыл құрылғысы шиқылдап, сигнал береді. Осы кезде ав- томатты түрде газ құбырын- дағы клапан-тығын жабылады да құбырдан пешке газдың берілуін жауып тастайды. Бұл қауіпсіздік дабылы және де ол ақау орнына келтірілгенше құбыр арқылы газдың берілуін шектейді, – деді құбырға орналастырылған құрылғылардың жұмысын түсіндірген телім шебері Абзал Кәрібаев. Кореялық өнім STS-2000 типті «Чеиль бойлер» жылыту қондырғысы негізінен 3 мың шаршы метр аумақты жылы- туға қауқарлы екен. Мекеменің инвестициялық бағдарламасы- на орай қолданысқа берілген «Чеиль бойлер» пеші Тереңөзек станциясындағы 3 қабатты ЭЦ қосынына 450-500С өлшеміндегі жылуды құбырлар арқылы таратып тұр. Егер ауа тем- пературасы күрт төмендеген жағдайда қазандықтың жылу температурасын 850-900С дейін ысытуға мүмкіндігі бар екен. Қазандықтың көгілдір отынға ауыстырылуына байланысты арнайы дайындықтан өткізілген машинист от жағушылардың бірі кезекті кезекшілігін атқаруда екен. – Біз ауысыммен жұмыс жасаймыз. Қауіпсіздік ша- раларын сақтау мақсатында ауысым алдында газ құбыр- ларын арнайы сұйықтықпен тексеріп қабылдап аламыз. Сонымен қатар жылыту жүйесіне жалғанған өндірістік қуаты минутына 2900 шамасындағы Wilo және К-20/30 сорғыларын, жылу қазандығының көрсеткіш құралдарын тексеріп қабылдап алып, сол қалпында ауысымды тапсырамыз. Егер көрсеткіш тетіктерінде өзгеріс орын алған жағдайда тиісті мамандарға хабарласып, өзгерісті арнайы тіркеп отырамыз, – деді жылу қазандығының машинист-от жағушысы Елжас Бекмағанбетов. Бұған дейін көмір отынымен жағылып келген «Универ- сал-6М» жылу қазандығы да резервте дайын тұр екен. Қой- мада оған қажетті көмір де бар.