Сянлушань станциясынан Еуропа мен Орталық Азияға жаңа бағыт ашылды
Қытайдың Хубэй провинциясындағы Сянлушань станциясы Еуропа және Орталық Азиямен тікелей теміржол қатынасын іске қосты. Бұл өңір экспортерлері үшін жүк жеткізу уақытын жеделдетіп, тасымалдау шығындарын азайтуға мүмкіндік береді, деп хабарлайды Rail-news.kz.
2025 жылғы тамызда Янцзы өзеніндегі Янлуо портына жақын орналасқан Сянлушань станциясынан Қазақстанға, Алашанькоу арқылы, алғашқы пойыз аттанды. Құрамында жалпы құны 2,3 млн АҚШ долларын құрайтын автокомпоненттер тиелген 40 футтық 51 контейнер бар.
Бұған дейін бүкіл жүк ағыны Уцзяшань станциясы арқылы жіберіліп, қосымша қайта тиеуді қажет ететін және бірнеше тәулікке созылатын. Жаңа бағыт тасымалдау уақытын екі тәулікке қысқартып, жеткізу құнын 15 %-ға төмендетті.
Бұл бағыттың дамуына жеделдетілген кедендік бақылау мен инфрақұрылымды жаңғырту ықпал етті. Мұнда енді теміржол, өзен және автокөлік тасымалдары тиімді үйлестіріледі, бұл логистикалық мүмкіндіктерді кеңейте түсетіні сөзсіз.
Сарапшылардың пікірінше, жоба Хубэйдің халықаралық көлік дәліздеріндегі, соның ішінде «Бір белдеу, бір жол» бастамасындағы рөлін күшейтеді. Сондай-ақ бұл инфрақұрылымға инвестиция тартуға, жаңа жұмыс орындарын ашуға және өңірдің экспорттық әлеуетін арттыруға ықпал етеді.