Бейнеулік келіншек қаржыгер мамандығын теміржолшыға ауыстырғанына өкінбейді

ҚТЖ келбеті
04.03.2022, 11:43
Шахида Жұман

Маңғыстау облысы бойынша меншікті тілшісі

Біреудің босағасын аттарда қыз балаға айтылатын «Барған жеріңе тастай батып, судай сің» деген сөз бейнеулік Гүлбануға әсер еткені соншалық, тіпті мамандығын да өзгертіп жіберген. Экономист қыз теміржолшы болып шыға келген. Теміржолшы болғанда да аптап ыстық пен қақаған суықта күні-түні вагондардың арасында табаннан тозып жүретін жұмыста.

  Бұл – Бейнеу станциясында еңбек ететін Гүлбану Ақшабаеваның таңдауы. 20 жасында отау құрған ару бүгінде отағасымен бірге 4 перзент тәрбиелеуде. Ұл-қыздарының алды 14, кішісі 2 жаста. Баланы да бағып, ата-ене мен күйеуінің көңілін тауып, жұмысына қоса кәсібін дөңгелетуде. Гүлбану Бейнеудегі жолаушылар тасымалы және жүк-багаж, билет кассалары ревизоры Мырзабай Жұманиязовтың үйіне келін болып түсіпті. Өмірлік серігі Әділ ол кезде жолаушылар пойызында жолсерік болған. Бүгінде машинист көмекшісі. Көп ұзамай жастардың тұңғышы дүниеге келіп, бала тәрбиесімен үйде отырған жас ана мамандығы бойынша банктен шақырту алады. Жұмысқа шығып, заңды тұлғаларға қызмет көрсетуде жетістікке жетіп, «Ең шапшаң кассир» сайысында Қазақстан бойынша үздік үштікке енеді. Қомақты сыйақы алады.

– Банк саласы ұнайтын, өз мамандығым ғой. Бірақ күнімен жұмыста тапжылмай отырасың. Ешқайда шыға алмаған былай тұрсын, отбасыңа көңіл бөлуге уақыт табылмайды. Әйел, ана, келін болғасын өз міндеттерің бар. Қайын атам, жолдасымның жұмысын көріп, біліп жүрмін. Ойлансам, балаларға жазда лагерь, жаңажылдық сыйлықтар, санаторийге жолдама, медициналық сақтандыру, жылына бір берілетін сыйақысы бар тәп-тәуір жұмыс. Сырттай оқуға түсіп, Бейнеу станциясына құжаттарды тасымалдау операторы болып орналастым. Банктегідей саялы жерде, компьютердің құлағында отыру қайда? Аяққа етік, үстіме сары жилет берді. Теміржолға алып шығып, анау тұрған пойыз вагондарының бәрінің нөмірін жазасың дегенде шошығаннан көзім бақырайып кеткен, – деп күледі Гүлбану.

Сөйткен Гүлбану өз міндетін бірден игеріп, қашықтығы бір шақырымды құрайтын жүк пойыздарына рекордтық жылдамдықта қызмет көрсететін ең мобильді қызметкер атанған.

– Бір күні түнгі кезекке түстік. Жаңбыр төбеден шелектеп құюда. Ал бізге жұмысты тоқтатпау, қайткенде де құрамның нөмірін жазу керек. Үстіміз малмандай су. Плащтің астын көлегейлеп жүріп жазып шықтым. Маңғыстаудың табиғаты түрлі тосынсый ғой, шаңды дауылды күндері бұдан да қиын сәттер болады. Кейін АСУ операторы болып ауыстым. Мұнда бұрынғыдай аяқ емес, ми шаршайды. Түнімен 15-18 пойыз қабылдап-жөнелтеміз. Вагон нөмірінен, пойыз салмағы мен ұзындығынан қателеспеу керек. Станцияға кірген-шыққан пойыз уақытында компьютерге енгізілуі қажет. Сондай аласапыран жұмыстан соң ауысымнан шығып демалғанның өз рахаты бар, – дейді кейіпкеріміз.

Гүлбану бүгінде Қазақстан мен Өзбекстан темір жолы арасындағы түйіспе станцияда пойыз қабылдаушы. Көрші ел теміржолшыларымен бірлесіп пойыздарды қабылдап, тексеріп, тапсырады. Бейнеуден жұмысына таңертеңгі 7:30-да пойызбен жолға шығып, 10:30-да жетеді. Күніне 5-7 пойызға дейін қызмет көрсетеді. Бір тәулік жұмыс істеп, үш күн демалады.

– Гүлбану 2015 жылдан бері бізде еңбек етеді. Жұмысына мұқият, сауатты қыз. Ұжымның қолқалауымен биыл «Теміржол аруы-2022» конкурсына қатысуда. Жеңіске жетсін-жетпесін маңызды емес, біз үшін теміржол аруы Гүлбану, – дейді Бейнеу станциясы бастығының орынбасары Нұрмұхамбет Жандәулетов.

Жаңалықтар
06.10.2022
ҚТЖ-да IPO бағдарламасы туралы айтылды
Жаңалықтар
05.10.2022
ҚТЖ вагондарды беру-жинау кезінде сыбайлас жемқорлық тәуекелдерін жояды
Жолаушылар тасымалы
05.10.2022
Hyundai Кореядағы ең жылдам жүрдек пойызды жасап шықты
Жаңалықтар
05.10.2022
Еліміздің транзиттік әлеуетін нығайтуға бағытталған ірі жобалар іске аса бастады
Әлеумет
05.10.2022
ҚТЖ төрағасы салалық кәсіподақты 30 жылдығымен құттықтады
Жолаушылар тасымалы
05.10.2022
Қазақстанда пойызбен жүретін жолаушылар саны 33 пайызға артты
Әлеумет
05.10.2022
Теміржолшылардың тұрмыстық еңбек жағдайы жақсарып келеді
Спорт
04.10.2022
Астанада өткен марафонда атыраулық теміржолшылар топ жарды
Әлеумет
04.10.2022
Қарттарға құрмет көрсетілді
Әлеумет
04.10.2022
Қызылордалық теміржолшылар қарттар күнін ерекше атап өтті
Аймақтар
04.10.2022
Әлеуметтік қолдауға әрбір жұмысшы лайық – Кәсіподақ
Аймақтар
04.10.2022
Ұйымдастыра білген ұтады
Аймақтар
04.10.2022
Көшбасшыға қабілеттілік қажет
Сұхбат
04.10.2022
Кәсіподаққа деген сенімді ақтау – басты міндет
Әлеумет
04.10.2022
Еңбек жағдайына ерекше көңіл бөлінеді
Аймақтар
04.10.2022
Кәсіподақ жетекшісі: Сенім үдесінен шығу – міндет
Аймақтар
04.10.2022
Машинистер мүддесі жолында еңбек етіп жатқан жан
ҚТЖ келбеті
04.10.2022
Үздік инспектор
Аймақтар
04.10.2022
Сенім – бәрінен биік
Әлеумет
04.10.2022
Еріктілер қарттарға қолғабыс етті