Тарихқа тұнған жиһаздар

Темір жол тарихы
26.01.2024, 15:22
Қазақстан теміржолшысы

Биыл қазақ теміржолына 120 жыл толып отыр. Қазақстанда темір жол көлігінің құрылған жылы 1904 жыл болып саналады, сол жылы Өзбек, Қазақ, Қырғыз және Тәжік КСР аумағы арқылы өткен Ресейді Орта Азиямен жалғаған Орынбор - Ташкент темір жолының құрылысы басталды. Бірінші болат магистраль аймақтың сауда, өнеркәсіп, әлеуметтік саласының дамуына ықпал етті.

Осы аралықта қазақ теміржолының жүріп өткен жолы үлкен бір тарих. Алғашқы теміржолшылардың жұмысы, олар пайдаланған құралдар жайлы қазір кітап, журналдардан оқып біле аламыз. Сондай-ақ теміржол желісінің құрылысы барысында түсірілген видео картиналар да кездесіп қалады.

Дегенмен, елордадағы ҚТЖ бас ғимаратындағы музейге бас сұққан адам теміржолға қатысты көне жәдігерлерді қолмен ұстап, тарихына баулай алады.

Мұражайда теміржолшылар қолданған заттар өте көп. Көненің көзіндей болып келе жатқан жәдігерлердің бірі станцияда теміржолшылар қолданған жиһаздар. Ерекше орындық, кресло мен үстел теміржолшылардың өз цехында жасалуымен де құнды.

Әбден ескірген орындық көзімізге бірден түсті. ХХ ғасырдың басында жасалған орындық Ағадыр станциясы маңынан жеткізілген екен. Реставраторлардың көбі оны жөнге келтіруге келіспепті, ақыр соңы депода жұмыс істейтін ҚТЖ жігіттері өздері жөндеп қойыпты.  

Сондай-ақ Түрксіб теміржол құрылысынан кейінгі 1928 жылдары жасалған жиһаздар бар. Ол кездері теміржолда жиһаз жасайтын өз цехтары болған екен. Ол жерде станция басшыларына арнап кресло, үстелдер жасалған. Сондай креслоның бірі музейден орын тепкен. Көне кресло 1958-1960 жылдар аралығында жасалыпты. Басшылар қолданған тамаша үстел де әлі күнге дейін қаз-қалпында сақтаулы тұр.  

Музейде сондай-ақ 1915 жылы жасалған паровоз табличкасы бар. Ол еліміздегі алғашқы паровоздарға қызмет еткен деп айтылады.  

Музейде Ресей патшалығы тұсындағы ақшадан Тәуелсіздік алғанға дейін қолданылған барлық қаражат үлгілері сақталған. Өйткені экономиканың күре тамыры теміржол саласы саналғандықтан ақша үлгілері музейге қойылуы да заңдылық.

Мұражайда сақтаулы тұрған тағы бір құнды жәдігер паровоз машинисі П. Спириннің кителі. Ол кісі соғыс жылдары Сталиннің эшелонын жүргізген екен. Негізгі туып-өскен жері Қызылорда облысы. КСРО бойынша ең мықты  машинистің бірі болған Спирин сол кездері Сталиннің құрмет медалімен марапатталған екен.  

Оған қоса әр жылдары теміржолшылар киген киім формалары да қойылған. Музей маманының айтуынша, соғыс жылдарынан кейін теміржолға әйел адамдарды көптеп ала бастаған.

«Бізде тұрған әйел адамның формасы 1955 жылдары тігілген. Ол кезде теміржолшылардың барлығы әскерилер сияқты форма киіп, пагон таққан. Яғни, жартылай әскери ұйым болды. Соғыс кезіндегі хаттардың көбі шифрланып жазылған. Әлі күнге дейін бөлімшелердің атауы қысқартылып жазылады, оны теміржолшылар ғана түсінеді», - дейді ҚТЖ музейінің менеджері Ақмарал Молдашева.  

Келесі құнды экспонаттардың бірі 1887 жылы жасалған рельстерді өлшейтін жол шаблоны. Бұл өлшем құралы теміржолшылардың таптырмас құралдарының бірі болған.  

Музейде қазір қолмен ұстап көретін 862 зат бар, ал сурет, кітап және өзге де құжаттарды қосып есептегенде 1500-ден астам экспонат шығады.  

Жүк тасымалы
21.06.2024
Контейнер тасымалы: келешекте көкжиегі кеңейеді
Жаңалықтар
21.06.2024
Санитарлық талаптар сақталуы тиіс
Жүк тасымалы
21.06.2024
ТХКБ-ны дамыту келісімі ратификацияланды
Жүк тасымалы
21.06.2024
Ақтау порты логистикалық торапқа айналады
Жаңалықтар
21.06.2024
ҚТЖ арнайы киім мен ЖҚҚ есебін автоматтандырады
Жаңалықтар / Мұрағат
21.06.2024
«Қазақстан теміржолшысы» газеті, №52 21 маусым 2024 жыл
Жаңалықтар
20.06.2024
Астана вокзалында ерекше көрме өтіп жатыр
Аймақтар
20.06.2024
Семейде қалаішілік жаңа желінің құрылысы басталды
Әлемде
20.06.2024
Hyundai Rotem Өзбекстанға алты жүрдек пойыз жеткізеді
Қауіпсіздік
20.06.2024
Түркістан түлеп келеді, ал өткелдің жайы өзекті
Қауіпсіздік
19.06.2024
Өндірісте еңбек қауіпсіздігін сақтау маңызды
Темір жол тарихы
19.06.2024
Теміржол тарихы: Әулиеатаға теміржол қалай келді?
Спорт
19.06.2024
Атырауда теміржолшылардың жазғы спорт алаңы ашылды (Фото)
Жаңалықтар
19.06.2024
ҚТЖ-да "Үздіктер алаңы" корпоративтік даму бағдарламасы басталды
Әлеумет
19.06.2024
Ақмолалық дәрігер жүрдек пойызда толғағы қысқан әйелді босандырды
Әлемде
19.06.2024
Euro-2024 жанкүйерлері үшін Германия жаңа жүрдек пойызды іске қосты
Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады
Жаңалықтар
18.06.2024
Теміржолда киіктердің қоныс аудару жолдарын қамтамасыз ету жұмыстары жүргізілуде