«KAZLOGISTICS» есеп берді (Фото)

Жүк тасымалы
13.02.2024, 13:30
Суретті түсірген автор
Райхан Рахметова

«Қазақстан теміржолшысы» газетінің тілшісі

«KAZLOGISTICS» Қазақстанның көлікшілер Одағы өткен жылғы жұмысын қорытындылады. Отырысқа еліміздің көлік министрлігі өкілдері мен ҚТЖ басшылығы және басқа да құзырлы мекемелер басшылары қатысты. Жиында теміржол, автожол, көлік логистикасы, су көлігі, азаматтық авиация бойынша Жұмыс топтары басшыларының есебі тыңдалды.

  Жылдың қорытынды жұмыстары туралы одақ төрағасының орынбасары Юрий Лавриненко баяндама жасады. Айтуынша, былтыр одақта ынтымақтастық туралы 17 меморандумға қол қойылған. Көлік саласының жалпы көрсеткіштеріне тоқталған ол соның ішінде теміржолмен жүк тасымалы 28 пайыз, теңіз порттары арқылы жүк тасымалы 15,3 пайыз артқанын айтты. Сонымен бірге теміржол арқылы жолаушылар тасымалы 2,12 пайыз өскен.  

– Қазіргі уақытта көлік пен логистикаға жаңа көзқараспен қарап, барлық жерде жаңа инновациялар мен технологияларды енгізуге басымдық берілуде. Цифрлық шешімдер заманауи логистика мен көлікте шешуші рөл атқарады, процестерді басқару мен оңтайландырудың дәстүрлі тәсілдерін өзгертеді, бизнес-процестердің тиімділігін арттырады және қызмет сапасын жақсартады. Біз сапалы автомобиль жолдарын, жаңа теміржол өткелдерін салу, Ақтау портының порт инфрақұрылымының мүмкіндіктерін кеңейту, сондай-ақ қазақстандық жүк авиациялық тасымалдаушыны құру бастамаларын қолдаймыз. Бұл ретте Мемлекет басшысы қойған міндеттерді іске асыру үшін мемлекеттік органдардың өзара толық байланысы болуы қажет деп санаймыз, – деді Юрий Лавриненко.  

Ол өз баяндамасында көліктің барлық түрлеріне тоқтала келе, соның ішінде теміржол бойынша алдағы жылға арналған жоспарлар туралы да айтты. Нақты айтқанда, вагондардың тұрып қалғаны үшін он еселенген мөлшерде айыппұл төлеуге байланысты ҚР ИИДМ 2019 жылғы 2 тамыздағы № 612 бекіткен теміржол көлігімен жүктерді тасымалдау ережелерінің нормаларын қайта қарау бойынша көлік министрлігімен бірлескен жұмыс жалғасын табады. Сондай-ақ  тариф белгілеу жүйесін өзгерту не республикаішілік және экспорттық қатынастарда контейнерлермен жүк тасымалдауға төмендету коэффициентін беру тетігін енгізу мүмкіндігі қаралады.  

Конвенциялық тыйым салулар мен тасымалдауға шектеулер жарияланған кезде «Теміржол көлігі туралы» ҚР Заңының 35-бабының нормаларын қарау көзделуде. ҚТЖ цифрландыруды дамыту есебінен экспедитордың кодтарын рұқсатсыз пайдаланудан қорғау жөніндегі бірлескен іс-қимылдар жөніндегі мәселені қарап, талқылау қажет. Сонымен қатар 2024 фрахталық жылға арналған теміржол көлігімен жүк тасымалдауды ұйымдастыру туралы тасымалдаушы мен экспедитор арасындағы Үлгілік келісімшарттарды енгізу жоспарланған.  

Қорытынды жиынға қатысқан «ҚТЖ» ҰК» АҚ басқарма төрағасы Нұрлан Сауранбаев салада атқарылып жатқан жұмыстар Мемлекет басшысының Қазақстанды ірі көлік логистикалық хабқа айналдыру туралы тапсырмасы аясында жүзеге асып жатқанын жеткізді. Сондықтан сыртқы және ішкі клиенттерге сапалы қызмет ұсынуда көліктердің барлық түрлері бойынша мемлекет тарапынан үлкен қолдау көрсетіліп отырғанын атап айтты. Аталған одақ құрамына бүгінде 66 көлік компаниясы мүше, олардың қатарында «ҚТЖ» ҰК» АҚ, «ҚТЖ – Жүк тасымалы» ЖШС, «Қазтеміртранс» АҚ, «ҚТЖ Экспресс» АҚ, «Ақтау теңіз сауда порты» АҚ, «Air Astana» АҚ, «Scat» әуе компаниясы және тағы басқалары бар.  

Жаңалықтар
25.10.2025
Талғат Алдыбергенов теміржолшыларды Республика күнімен құттықтады
Жаңалықтар
24.10.2025
ҚТЖ Республика күнін салтанатты түрде атап өтті
Инфрақұрылым
24.10.2025
Қызылжар жобасынан не күтеміз?
Инфрақұрылым
24.10.2025
Жол техникалары сапқа қойылды
Аймақтар
24.10.2025
Шаруашылықтар қысқа дайын ба?
Аймақтар
24.10.2025
Кемшіліктер қайталанбауы тиіс
ҚТЖ келбеті
24.10.2025
Жолаушының алғысына бөленген кассир
Аймақтар
24.10.2025
Вагон қараушыдан ұстазға айналған теміржолшы
Қауіпсіздік
24.10.2025
Өткел қауіпсіздігі – сенімді қолда
Әлеумет
24.10.2025
Үздік еңбек әулеті
Аймақтар
24.10.2025
«Таза Қазақстан» челленджі жалғасып жатыр
ҚТЖ келбеті
24.10.2025
Ақмаралдың алғашқы жеңісі
Аймақтар
24.10.2025
Вокзал маңы абаттандырылды
Жаңалықтар
24.10.2025
60-қа жуық студент ҚТЖ мұражайында болды
Жаңалықтар / Мұрағат
24.10.2025
Қазақстан теміржолшысы газеті, №88-89 24 қазан 2025 жыл
Жаңалықтар
23.10.2025
Көлік министрі Тбилисиде өткен V «Silk Road Forum» аясында сөз сөйледі
Инфрақұрылым
23.10.2025
Ақмая–Шиелі телімінде қызу жұмыс жүріп жатыр
Станция тынысы
23.10.2025
Рельс үстіндегі өмір: Манкент станциясының қаһармандары
ҚТЖ келбеті
23.10.2025
«Жыл машинисі» анықталды
Аймақтар
23.10.2025
«Таза Қазақстан»: Арыстық теміржолшылар 120 түп ағаш отырғызды