Тілсіз жаумен күресте теміржолшылар үлесі зор

Әлеумет
09.09.2022, 09:13
Сурет «ҚТЖ» ҰК» АҚ баспасөз қызметінен алынды
Сұлугүл Бакесова

«Қазақстан теміржолшысы» газетінің тілшісі

Қостанай облысындағы алапат өртті сөндіруге атсалысқандар қатарында теміржолшылардың да үлкен тобы болды. Елді мекендеріне оралған оларды халық нағыз батырлардай қошемет-құрметпен қарсы алды.

 Енді ше?! Тілсіз жаудың қоршауында қалған Қостанай облысының ну орманы мен Аманқарағай, Лесное, Озерное, Бағаналы және Калинино ауылдарын өрттен құтқару нағыз жан алып, жан берген арпалыс болғаны рас. Өртті сөндіруге еліміз бойынша 224 техника, 7 әуе кемесі, 5 өрт сөндіру пойызы, жеке құрамнан 2193 адам жұмылдырылған. Тілсіз жауды құрықтауға теміржолдан Құсмұрын, Тобыл, Есіл, Қостанай, Атбасар станцияларының өрт сөндіру пойыздары жөнелтілді. Ал Жаңа-Есіл станциясының өрт сөндіру пойызы резервте тұрды. Пойыздар 1997 текше метр сумен жабдықталып, тәулік бойы тоқтаусыз жұмыс істеді. Одан бөлек 250 теміржолшы тілсіз жаумен күреске қатысты. Бүгінде өрт салдарынан 23 теміржолшы отбасы жапа шеккені мәлім болып отыр.  

Қостанайлықтардың басына төнген қиын-қыстау кезеңді қазақстандықтар бірге бөлісіп, көмек қолын созуда. Өрттен зардап шеккендерге көмек беруге арналған бірыңғай қоғамдық   қор құрылды. Соңғы деректерге сүйенсек, бүгінде қорда жиналған ақша мөлшері 490 млн теңгеден асып отыр. «Қайырымдылық KZ» қорының өкілі Батырбек Ахметовтің айтуынша, арнайы комиссия тұрғындардың шығынын есептеп, сол деректерге сәйкес зардап шеккендерге көмек беріледі екен. Артылған ақшаға ауданды көгалдандыру жұмыстары жүргізілмек.  

Өрт болған өңірге Мемлекет басшысы Қ.Тоқаев барып, зардап шеккен тұрғындарға Үкімет екі айда бұрынғыдан да жақсы үй салып беретінін айтқан болатын. Ізгілікті іс жасаудан «ҚТЖ» компаниясы да құр қалмақ емес. Өрттен зардап шеккендерге «ҚТЖ» ҰК» АҚ мен Компания қызметкерлері арасындағы 2021-2023 жылдарға арналған Ұжымдық шартқа сәйкес белгілі бір мөлшерде жәрдемақы беріледі.  

– Қазір біз өрт салдарынан зардап шеккендердің шығындарына қатысты қорытынды есеп-қисапты күтіп отырмыз. Соның нәтижесі бойынша атқарушы комитет отырысы өтеді. Оған ел аймақтарындағы кәсіподақ жетекшілері түгел қатысып, қай аймақ қанша көмек бере алатынын айтады. Арнайы қор құрылып, қаражат сонда жиналатын болады. Қостанай өңіріндегі кәсіподақ ұйымының өкілдерінен құралған комиссия сол қаражатты орын-орнымен үлестіріп жұмсауды басқаратын болады. Ал ол комиссияға Кәсіподақтың Орталық кеңесінің басшылығы жетекшілік етеді. Яғни біз жиналған ақшаның зардап шеккендердің тұрмыстық қажеттіліктерін өтеуге ашық-айқын бөлінгенін қадағалайтын боламыз. Бұдан бөлек, Ұжымдық шарт шеңберінде жәрдемақы беріледі, – деп атап өтті «Қазкөліккәсіп» ҚБ төрағасының орынбасары Жұпарбек Сәбитов.  

Сонымен қатар, «ҚТЖ» ҰК» АҚ-да арнайы комиссия құрылып, қор ашылып, теміржолшылар тарапынан қаражат жиналғалы жатыр. Яғни, өрттен зардап шеккендерге үш жақты, яғни бірінші – Ұжымдық келісімшарт шеңберінде, екінші – «Қазкөліккәсіп» ҚБ, үшінші – «ҚТЖ» ҰК» АҚ тарапынан қаржылай көмек көрсетілмек. Зардап шеккен теміржолшылардың қатарында 2019 жылдың «Жыл машинисі» аталған тепловоз машинисі Владимир Гейгер бар. Владимирдің жұбайы Оксана Гейгер Аманқарағай станциясында тауар кассирі болып қызмет етеді. Екі бала тәрбиелеп отырған ерлі-зайыптылар үшінші сәбилерін күтіп отыр. Ең бастысы, үй-жайы өртеніп кетсе де отбасының амандығына шүкіршілік еткен Владимир Гейгер Үкімет, өзі адал еңбек етіп жатқан ҚТЖ компаниясы баспанасыз қалдырмай, алдағы күндері бәрі жақсы боларына сенім білдірді.  

Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды
Жаңалықтар
26.08.2025
ҚТЖ және CRRC басшылығы кездесті
Инфрақұрылым
26.08.2025
Сексеуіл кентіндегі теміржол вокзалында күрделі жөндеу жүріп жатыр
Цифрландыру
26.08.2025
ҚТЖ мен Huawei стратегиялық әріптестікті нығайтады
Әлеумет
26.08.2025
«Жастарға жұмыс» жәрмеңкесі өтті
Жүк тасымалы
26.08.2025
Меже – транзиттік хабқа айналу
Аймақтар
26.08.2025
Теміржол торабы Шымкенттің даму қарқынын арттыруда
Қауіпсіздік
26.08.2025
Жіңішке станциясында кезекті рейд өтті
Әлеумет
26.08.2025
Берсең – балаға бер
Жаңалықтар / Мұрағат
26.08.2025
Қазақстан теміржолшысы газеті, №69 26 тамыз 2025 жыл
ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр