Теміржолшылар қан тапсырды

Әлеумет
24.11.2023, 16:16
Райхан Рахметова

«Қазақстан теміржолшысы» газетінің тілшісі

ҚТЖ қызметкерлері донорлық қанды қажет ететін азаматтар үшін қашан да қан тапсыру акцияларына белсене қатысып келеді. Бүгін, 24 қараша күні  де компанияның бас ғимаратында Ғылыми-өндірістік трансфузиология орталығы ұйымдастырған Донор күні көшпелі іс-шарасына 100 жуық теміржолшы қатысып, қан тапсырды.  

Донор қаны ауыр жарақат алғанда, ота жасатқанда, балалар және инфекциялық ауруларда, септикалық күйге түскенде, күйік шалғанда немесе уланғанда адам өмірін сақтауға көмектеседі. Мұның мәні зор игілікті іс екенін жеткізе келе аталған орталық әртүрлі кәсіпорындардағы қызметкерлерді қайырымдылық іске атсалысуға шақырады. Осы ретте ҚТЖ-да ең көбі 20-30 жылдан бері донор болып келе жатқан теміржолшылар бар екенін айта кету керек. Солардың бірі компанияның Автоматтандыру және цифрландыру дирекциясының бас менеджері Саяна Доспанова 1998 жылдан бастап донорлық қан тапсырады.  

– Қан тапсыруды 18 жасымда бастадым. Жылына 3-4 рет қан тапсырып тұрамын. Ең басында жақын танысым қиын жағдайға тап болып ота жасатты, соған қан тапсыруға тура келді. Одан кейін өзім ерікті түрде тапсыруды әдетке айналдырдым.  Денсаулығым өте жақсы, аса бір ерекше спорт түрімен де айналыспаймын. Тамағым да бәрімен бірдей. Тек ет жегенді жақсы көремін. Негізі адамның қаны 2 айда орнына келеді. Қан тапсыру алдында 24 сағат бұрын майлы, ащы тамақ жемей, ағзаны дайындаймыз. Келген соң саусақтан қан алып, қан құрамын тексереді. Жасыңыз 18-ден асқан, салмағыңыз 50 келіден жоғары, қан қысымың қалыпты, қан құрамың дұрыс болса, қолыңнан донорлық қан алуға жібереді. Сонымен қатар басқа кез келген ауру бойынша есепте тұрмаған болуың керек. Менің қан тобым  - І (оң). Жасым - 43-те, бір балам бар, денсаулығым сыр беріп көрмепті, бәлкім осы қан тапсыруды әдетке айналдырғанымның арқасы да шығар, –  дейді С. Доспанова.  

     Теміржолда 22 жылдан бері еңбек ететін, ал донор болғанына 18 жылдан асқан Алмагүл Қияшеваның «Құрметті донор» деген атағы бар.  

– Бас есептеуіш орталықта менеджер болып істеймін. Бізге тіркеуде тұрған донор болған соң, қан қажет кезде алдын ала поштамызға, телефонымызға хабарлама келеді. «Донор жадынамасы» деген бар, сол бойынша қан тапсырар алдында 72 сағат бойы құрамында аспирин, басқа да анальгетиктер бар дәрілер қабылдамау, 48 сағат бойы ішімдік ішпеу, 24 сағат бұрын майлы, ащы, сүрленген, сүт тағамдары мен жұмыртқадан бас тарту, 2 сағат бұрын темекі шекпеу, қан тапсыратын күні таңертең жеңіл таңғы ас ішу, 5-10 минут бұрын міндетті түрде тәті шәй ішу талап етіледі. Ал қан алып болғаннан кейін екі күн бойы сұйық тамақ көп ішу, 14 күн ішінде екпе салдырмау, бір күнге дейін ауыр зат көтермеу, денеге салмақ салмау, ішімдік ішпеу сияқты талаптар қойылады. Донор болғанның тағы бір жақсы жағы – медициналық тексеруден жиі өтіп, қан құрамындағы гемоглобинді, холестерин мөлшерін, сонымен қатар АИТВ мен гепатит В,С аурулары бойынша да денсаулығыңызды біліп отырасыз, - дейді донор теміржолшы.    

Мұндай көшпелі қан тапсыру акциялары ҚТЖ-да жылына бірнеше рет өткізіледі. Ғылыми-өндірістік трансфузиология орталығының дәрігері Меруерт Жәдігердің айтуынша, ҚТЖ қызметкерлері – елордадағы ең белсенді донорлардың қатарында.

Айта кетсек, бүгінгі қан тапсыруға 134 адам өтінім берген, бірақ оның 92-і ғана қан тапсырып үлгерді. Оның ішінде 10 адам тұрақты түрде жылына үш рет қан тапсырып тұрады екен.  

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста