ҚТЖ Жетісу облысында 140 орындық жаңа балабақшаны ашты
Жаркент қаласында Жетісу облысы әкімдігімен бірлесіп «Қазақстан темір жолы» ҰК» АҚ салған 140 орындық жаңа балабақша ашылды, деп хабарлайды Rail-news.kz.
Әлеуметтік нысан Алтынкөл – Жетіген теміржол желісін жаңғырту жобасы аясында іске асырылды.
Жаңа балабақша аумағы абаттандырылған жалпы ауданы 2 мың шаршы метрден асатын заманауи екі қабатты ғимарат болып табылады. Ғимаратта халықтың мобильділігі төмен топтары үшін лифтілер қарастырылған, заманауи дизайн жасалған, үй-жайлар қажетті жиһазбен толық жабдықталған.
Негізгі құрылыс-монтаж жұмыстары 2026 жылдың 20 мамырында аяқталды. Қазіргі уақытта балалардың қауіпсіздігі мен жайлылығын қамтамасыз ету үшін қажетті құжаттама ресімделуде.
Теміржол жобалары бар өңірлерде әлеуметтік инфрақұрылымды дамыту елдің көлік саласын жаңғырту бойынша жүргізіліп жатқан жұмыстың маңызды құрамдас бөлігі болып табылады. Мұндай объектілерді іске асыру халықтың өмір сүру сапасын арттыруға, қолайлы әлеуметтік орта құруға ықпал етеді әрі Қасым-Жомарт Тоқаевтың Қазақстанның көлік-транзиттік әлеуетін дамыту және ірі инфрақұрылымдық жобаларды іске асыруға тартылған аумақтарды кешенді дамыту жөніндегі алға қойған міндеттеріне сәйкес келеді.
Жаңа балабақшаның ашылуы ауқымды көлік жобаларын іске асыру көлік желісін дамытуға ғана емес, сонымен қатар жергілікті тұрғындар талап ететін қосымша әлеуметтік нысандарды құруға ықпал ететіндігінің тағы бір мысалы болды.