Қазақстандық және өзбек теміржолшылары түйіспесіз жолды ұстап тұру тәжірибесімен алмасты

«ҚТЖ» ҰК» АҚ – «Шымкент магистральдық желі бөлімшесі»  филиалының Арыс жол дистанциясында «ҚТЖ» ҰК» АҚ мен «Узбекистон темир йуллари» АҚ арасында кәсіби тәжірибе алмасу бағдарламасы шеңберінде темір жолды күтіп ұстау мен жөндеудің заманауи технологиялары көрсетіле отырып, жол жұмыстары жүргізілді деп хабарлайды Rail-news.kz. 

Теміржол әкімшіліктерінің өкілдері түйіспесіз жолды күтіп ұстау және теміржол инфрақұрылымының сенімділігі мен қауіпсіздігін арттыруға бағытталған техникалық шешімдерді қолдану бойынша тәжірибе алмасты.

Шағыр станциясында алты сағаттық технологиялық «толаскез» шеңберінде Р65 түріндегі теңестіру түйіспесін және желім болтты оқшаулағыш түйіспені төсеу бойынша жұмыстар орындалды, содан кейін рельсті бунағын аралық ұзындыққа дейін дәнекерледі. 

Жұмыстар жылжымалы рельсті дәнекерлеу машинасын (ПРСМ) және MPT – 4 машинасын қолдана отырып жүргізілді.

Бұдан басқа, Шеңгелді – Жылға аралығында (жұп жол, 3306 км, ПК 8) ұқсас технологиялық «толаскез» кезінде алюминдітермитті дәнекерлеуді қолдана отырып, рельсті бунақты аралық ұзындыққа дейін дәнекерлей отырып, желім болтты оқшаулағыш түйіспені төсеу орындалды.

Жұмыс барысында орындалды: 

•             Р65 түріндегі теңестіру түйіспесін  төсеу; 

•             желім болтты оқшаулағыш қосылысты орнату;

•             ПРСМ және АЛТС көмегімен рельсті бунақтарды дәнекерлеу. 

Теңестіру түйіспелері жылжымалы құрамнан температуралық өзгерістер мен динамикалық жүктемелер нәтижесінде пайда болатын рельсті бунақтардың бойлық қозғалыстарының орнын толтыруды қамтамасыз етеді. 

Жүргізілген жұмыстар жолдың деформациялану қаупін азайтуға, пойыздар қозғалысын жайлы етуді арттыруға және «жол – жылжымалы құрам» жүйесінің өзара іс-қимылын жақсартуға бағытталған, бұл инфрақұрылымның сенімділігін және пойыздар қозғалысының қауіпсіздігін арттыруға ықпал етеді.