95 жыл бұрын Луговая станциясында Түркістан-Сібір магистралі оңтүстік учаскесінің құрылысы басталды

1927 жылы Жамбыл облысының Луговая станциясы жағынан осы теміржолдың алғашқы рельстері төселді. Жоба КСРО-ның алғашқы бес жылдық жоспарының ең ірі құрылысы болды. Үш жылдан кейін болат магистраль пайдалануға берілді. Түрксіб Жаңа өмір жолы деп аталды - магистраль бойында қалалар мен жұмысшы кенттері бой көтерді.

2020 жылы Луговая станциясы Түрксіб деп өзгертілді. Мұндай шешім Түркістан-Сібір темір жол магистралінің 90 жылдығын мерекелеуге байланысты қабылданды. Бұл бастама ел тарихы үшін маңызды жобаға қатысқан құрылысшылар мен теміржолшылардың еңбегін мәңгілікке қалдыруға бағытталған.

Қазір Түрксіб Қазақстанның ғана емес, Орта Азияның барлық республикаларының экономикасында табысты жұмыс істеп, оларды біртұтас Жібек жолына - Қытайдан, Ресейден, Орта Азиядан, Таяу Шығыс елдерінен және Еуропаға дейін біріктіруде.

Атқарылған жұмыс көлемі бойынша Түрсіб станциясы бірінші класқа жатқызылды. Станция тәулік сайын станциядан және Шу мен Тараз станциясына 12 жүк пойызын, 23 жолаушылар пойызын қабылдайды және жөнелтеді. Бұл ретте 40-43 пойыз қайта өңдеусіз жүріп өтеді.